#NSS個人
[guest] 長文慎入⚠️ (雖然係咁講但都希望有人可以認真睇下🙏
Hey大家好 🙂
小妹08+移居咗去英國🇬🇧
想分享下自己最近嘅煩惱&困惑🥲
-友情
話說我喺香港同英國都有班frd，香港嘅係中一嘅時候最close嘅frd，大家興趣差唔多，到依家都有聯繫。而英國嘅frd都係學校入面嘅香港人，3-4個咁，雖然唔太啱傾但都可以玩得癲。
講下香港果班先，其實我同佢哋一路都有傾偈，啱啱嚟英國身邊冇人傾心事都係依賴佢哋。但到近排，我感覺好似疏遠咗同埋其中一個好似專登排擠我🧐首先我哋個WhatsApp grp少傾咗好多，由一日300+個msg到依家幾個鐘先有人覆一句。咁我都覺得冇乜嘢嘅，始終香港學業繁忙。但其中一個frd就好似唔係好鍾意我咁，喺grp傾偈又特登唔覆我，我dm佢又已讀不回，仲成日喺ig tag我哋班frd入面其他人話best frd forever，就唯獨唔tag我。究竟係我玻璃心定點？🥲
到英國嘅朋友，我覺得同佢哋唔太啱傾，因為英國嘅分級制有啲特別，例如我依家year8 (=hk f2) 係由08年9-12月+09年1-8月出世嘅學生。變相我會識到嘅人多數係09，然後我依家班frd入面4個有3個都係09😀，我覺得佢哋比較幼稚(?)，自己又算係慢熱，所以成日都唔係好融入到佢哋。不過其中一個frd同我一樣鍾意mirror，所以都尚算啱玩🤣🤣。
我知道識到好朋友已經需要感恩，但我想有一啲真係啱玩啱傾又明白我嘅frd囉🥲
-愛情
小妹就唔太好鬼仔，所以都唔會鍾意學校嘅男仔。反而我鍾意一個以前香港中學嘅同班同學💩。以前我哋都算係朋友，因為學號相鄰嘅關係，有啲堂都坐埋一齊，有時會傾下計玩下。但之後我嚟咗UK就漸漸冇乜聯絡。但到近兩個月，佢無啦啦開始覆我story，仲越嚟越頻密🤡🤡，然後我哋都有共同興趣。有幾次真係幾心動: 我生日果陣佢居然準時香港12點同我講hbd🥲; 我病咗然後佢叫我take care; send我鍾意嘅嘢嘅相比我(我朋友話佢係特登影雖然我唔信🙃); 轉咗常用嘅emoji做我用開果幾個🌝🌝(好似唔太關事); 同埋我一accept佢follow我pri acc佢就like晒啲相🤡🤡
我唔知佢究竟對我係咩感覺，但我係真係鍾意佢。佢唔算好靚仔，又唔係讀書叻，但我就係鍾意佢🥲🥲而且佢身邊好似冇咩女仔frd💩🤣
我煩惱緊應唔應該表白🙏
-學業
眾所周知，英國嘅教育制度係輕鬆過香港嘅好多，冇咁多功課同quiz之餘老師仲唔會鬧人。但唔知係咪以前喺香港讀得耐，慣咗果種chur到爆嘅讀書方式，我覺得依家呢種模式太hea😀。功課又少，上堂老師又教得hea(成日都會教教下同同學傾偈…)，就算你做得幾差老師都唔會批評你，只會一味話你做得好，唔話比你知點改進。我覺得我成個人懶咗好多…我阿爸同我講，啲老師因為唔care你升唔升到大學，或者第時有冇工返，佢地淨係逗份糧，所以無論你幾差佢都唔會好認真想你做得好啲。我聽完簡直呆咗，我一路以為d老師係想鼓勵我哋唔想比負能量學生先唔批評😵我唔想喺啲咁hea嘅學校讀書啊…
-家庭
以前阿爸阿媽都好緊張我嘅學業，成日都叫我比功課佢哋睇/幫我溫書，雖然到咗中學我都有提出自己做返。但嚟咗英國之後，因為學校冇乜reference比家長去知道我嘅進度，所以佢哋都好難知我做成點。阿爸係會叫我同佢一齊做功課/溫書嘅，我以前覺得佢好煩🥲🙏。但呢排佢好似少咗好多咁做，我唔講佢都唔問，佢叫我呢功課佢睇，我話我溫緊test，佢就即刻話咁下次先，但佢以前係會話要即刻做，否則會越拖越耐。係咪因為我太唔主動，佢要放棄理我嘅學業😭😭然後之前我話想買遊戲機，佢話做好啲學業先，但佢今日無端端話想唔想weekend去買，我心諗wtf你之前一路都唔肯架喎，做乜無啦啦咁好人。但諗深一層，唔通係因為我太懶同曳，所以佢唔想再理我🥲我要點做先好…
-end
多謝專心睇到呢度嘅你，我知道我打咗好多😭，但我真係所有嘢都好迷茫，有冇人可以比啲advice我？🙏