#NSS個人
[Guest] *包含較露骨、沉重話題，介意勿看，影響心情抱歉
我今年form3，小學已經開始做緊援交。
講返啲背景，我屋企唔係特別有錢，阿媽身體有事溝通唔到返唔到工，由細到大阿爸喺大陸做嘢，一個月返嚟一次，同佢冇講過好多野冇乜感情，我哋就靠佢啲家用食飯。
破處就一早破咗，五～六歲嘅時候比補習老師強姦過，嗰時開始已經被教識自慰、模仿av嘅動作姿勢、佢教嘅嘢我到而家都記得。
直到小五第一次有自己電話，上網識人就係所有野開始嘅契機。（嗰陣阿媽瞓緊醫院，我返學前放學後都要煮粥拎比佢食，所以我係完全獨居狀態冇人管。）
第一次約人出嚟，對方聲稱係鍾意追星嘅中一學生，但出到嚟係個大學生，後尾比佢帶上屋企玩咗一日，佢比咗1000蚊我，叫我唔好同任何人講。之後我就買好多、想要好耐嘅漫畫玩具、父母唔比食嘅甜品，明白到錢真係好好，越多越好。
一路到而家我都做緊援交，甚至有幾萬followers，可以比有錢人包，酒店自助餐遊樂場名牌都唔使錢，銀行有6位數，依家可以叫做生活無憂。
↑↑呢度淨係講返我依家嘅狀況，唔係想叫你哋去做援交，貪錢又好幾辛苦幾窮都好，行呢條路冇得返轉頭㗎。
大部分同齡人冇嘅嘢我都可以享受到，相對的，大部分同齡人有嘅嘢我都無法擁有。
只係我覺得，「普通人」依樣嘢已經同我扯唔上任何關係，與其每日喊到失聲埋怨自己好不幸好想死，與其喺社會底層爬一世奢望可以成為上遊人士，不如選擇呢條對我來講太過輕鬆嘅路，既然可以用身體換取酬勞，已經習慣骯髒嘅我又何樂而不為呢。
呢幾年睇過好多人遇過好多事，只可以講對世界又更加絕望。
性愛，呢個詞語到底係咩意思？至少我從未喺性當中感受到愛，愛情同友情都可以用錢買到，會咁樣諗嘅我又好似顯得有啲幼稚。
記憶中我都完全冇發自內心喊過，由細睇我睇到大嘅親人拖住我隻手死喺我眼前，我都可以冇反應，咩都feel唔到。
今次投稿純粹係深夜有感，大家唔使安慰我勸我，已經聽過好多亦唔會有咩用XD 至少依家我嘅生活比以前好好多，有一班好朋友，我覺得自己好幸福。
辛苦各位睇長文了！
po ig吖唔該，請admin飲熱朱古力💪🏻