#NSS愛情
[GUEST] 小弟今年中五, 對愛情呢樣野仍然一知半解, 表達能力都唔係咁好, 希望大家可以見諒.
自問小弟的戀愛經驗冇乜, 喺邊度都唔係好夠膽主動去同異性講嘢, 都唔覺得自己有能力吸引到異性, 就算對異性有feel都只係暗戀, 所以即使有拍拖都係屬於被動的一方, 唔係好知拍拖應該點樣做.
上年年頭的時候, 我自己屋企有叫我去外國讀書的打算, 我都算有期待, 因為自己都唔想讀書有咁多壓力, 又因為呢幾年既事, 又唔想返大陸發展, 身邊亦有唔少朋友去咗外國讀書, 今次難得有機會可以試下去外國讀書, 當然都唔想浪費, 起碼試下又冇壞, 雖然都會唔捨得啲同學和教會的人…
但係上年, 我發現自己對教會的同齡的異性有感覺, 自己又無膽同佢講嘢, 連wts都唔夠膽, 只停留喺暗戀的狀態. 我同佢細佬都算熟, 都已經喺中學階段, 自己有時都諗如果佢細佬知道咗會有咩反應, 而遲遲都無膽去同佢講自己的感受, 又因為佢同我唔同學校, 我亦都唔知佢學校有冇男仔鐘意, 所以自己一路都唔夠膽去開口, 又驚因為我同佢細佬嘅著衫style等好似, 又驚如果真係拍到拖嘅話, 變咗佢好似同佢細佬齊行街咁, 變咗自己成日喺度諗關於佢嘅嘢, 但係又唔知除咗同朋友講之外可以做啲乜, 我到底可以點做？