#NSS個人
[Guest ] 求幫忙！！！小弟今年F2，上星期同朋友同埋佢Uncle一齊去踢波，踢波途中有一班MK仔話要跟隊，咁踢街波又冇理由唔俾人踢埋一份，所以咪say Yes囉。班MK仔講晒粗口，係咁煲電子煙，啲動作好拼搏，下下都好大力撞埋嚟。有一下我朋友個Uncle同對面其中一個MK仔追波嘅時候撞到大家，我朋友個uncle即刻嬲到問候咗人哋老母，嗰個MK仔亦都好唔gur ，推咗我朋友uncle一下。二人隨即打埋一份，好彩有其他踢波嘅人即刻阻止。我嗰陣時懶巴閉，喺度搧風點火，大嗌走啦死MK仔。我本來以為件事告一段落，但係就係今個禮拜三我再去踢波嘅時候，我又再次見到嗰班MK仔，嗰日我同另外一個朋友再去踢波，佢見到嗰班MK仔嘅時候即刻噏出咗人哋個名。我問我個friend佢係咪識得嗰班MK仔，之後我個friend show左嗰班MK仔嘅IG俾我睇，原來佢哋都叫做喺街埸見過幾次。我睇倒佢哋IG之後開始即刻淆底，嗰日同我個friend個uncle打交嘅MK仔佢個IG highlight全部都係同人嗌交嘅Capture，又食晒煙落晒club 蒲，幾十張1000蚊紙喺度賭大小。佢個Bio tag 哂佢啲兄弟，然後好惡咁寫，邊個搞我啲兄弟，就好自為之。我即刻再睇埋佢tag咗嗰啲人嘅IG ，有一個佢個post話出得嚟行預咗要還，仲要有一個好大嘅紋身，有一個friend就開咗個story，寫住大撚獲，要入冊四個月😪，靠關二哥保佑。我睇完所有人嘅IG之後即刻同個friend講喂我唔踢啦。我雖然平時係有啲跩，間唔事都有啲串，但係我從來冇加介入黑社會嘅事。呢幾日出街都好驚，我驚俾人圍毆尋仇。想問各位仁兄我係咪以後都唔好再落街場踢波啦，同埋如果再見到嗰班MK仔應該點算