#NSS家庭
[GUEST] 小妹今年F.3 第一次投稿，如果有咩錯處希望各位師兄師姐包容下🙇
小妹有個F.6啲啊哥，由於唔想再叫佢啊哥，所以暫時用“佢”做別稱，而老竇老母就用住“你哋”做別稱先。
我都唔知係由幾時開始，究竟係由佢原本嘅band 1中中學考到全級第一，定係轉校考到入一間全港Band 1頭十啲中學+入到精英班，或者係由準備考DSE 前開始。
（小妹係Band 1尾，個人認為無論Band幾冇所謂，但係有D家長就難講…）
可以咁嚴重到係縱容佢一唔開心就倒嘢飲落我身上頭上
語言侮辱 (我唔係玻璃心，都唔係聖母，真心講句冇人有義務要去承受你啲脾氣）
用呻過鼻涕啲紙巾掉揼我（真係好污糟，諗起都覺得嘔心）
其實仲有好多件事，不過要講都要講好耐🤥
當佢出街嘅時候你哋就同我講話佢就嚟考DSE，
唔好嬲佢，
跟住又話唔好影響佢準備考DSE心情，
佢要考DSE，咁我中三就唔使選科？
咁你哋又點解要話畀我聽，
親手磨滅我啲希望，
有陣時我真係催眠自己同自己講話你哋唔知佢對我做嘅嘢，覺得你哋淨係見過一兩次。
咁點解要同我講你哋知？
你哋明明就知道
你哋都知佢做過幾過份嘅嘢（啲過份嘢我都唔想再提起，都唔想再回憶起）
都知道已經係好多次，
點解仲要縱容？
明明我就喺你哋面畀佢用嘢飲潑
點解你哋又要喺佢出咗門口嗰陣時象徵式咁樣講佢幾句，
從來都冇阻止。一次都冇
我個心就好似杯嘢飲潑落嚟嘅時候，由頭涼到落尾。
多謝睇到呢度嘅人。
我人無事，都冇想自殺or自殘，😂
我知世界上有好多比我更加不幸啲人，
但我純粹就係委屈，想講出嚟，但係唔知可以同邊個講，喺朋友眼中我係個好開朗嘅人。（如果可以我都唔想放負energy ）
生活就好似強x，反抗唔到就只能去接受💁🏻♀️
係咁先，bye (最後可唔可以要個抱抱hehe)