#NSS學校
[Guest ] 今次係小弟第一次投稿，表達得差嘅話唔該大家屌細力啲。
講返啲背景先，小弟性格內向，細細個都冇乜朋友，friend 啲嘅得幾個。我升中派位派左一間得我一個派到嘅中學，當時都幾傷心，因為小弟唔係好擅長社交，又要識過啲朋友。中一嘅時候都唔算過得好差，識到一個好朋友，但係喺學期尾我地因為一啲小事就冇再聯絡，之後見到都掉頭走。嗰陣時好失望，估唔到友誼咁脆弱。
到而家中二，我被分到一班入面我一個都唔識嘅，再加上中一嘅經歷，我比中一更加內向，冇點識朋友。到而家嘅疫情，喺屋企上網課一個同學都冇見，我一直經歷孤單。我呢一排有試過融入佢哋，但係佢哋一齊經歷過中一，而我就好似插班生。我唔知可以點做，好迷惘。我知道我可以自己一個生存，但我知道我唔想自己一個生活。我可以點做？
Sorry for 1999
Thx admin