#NSS學業
[GUEST ] 篇文少少長
係咁嘅 小妹今年form 2
想問下大家其實平時點温書
小妹成績其實唔太差 冇偏科嘅情況
科科嘅分數都幾平均
最近考完試 成績跌到好差 同上年比有唔少科目都退步
好老實講一句 我並唔認為我溫書嘅時間比任何人少
我考試前一個月開始prep 溫書嗰陣除咗查字典之外
我唔會一路打機一路溫
每日溫大概4-5個鐘
我溫書嘅方法其實好似冇乜效率 而且有啲誇張(?）
中文嘅文章中心手法之類我其實係成段成段背
英文會將Grammar book 由頭再做一次
數學書後面嘅exercise 我都會做
溫曬呢啲之後我自己會做喺出面買嘅補充
至於副科好似Science History Geography
我會jot 曬D notes
我D notes 差唔多抄曬成本書 一個point 成段paragraph 咁 而我都會由頭到尾背起碼三四次
（我背嘢嘅能力幾強所以用多少少時間都唔會太大問題同埋我慣咗咁做如果唔係嘅話我會好冇安全感）
去番正題 我知道依家因為好多嘢都係online上堂
所以時間比較充足 容許我可以咁溫書
但遲啲就好難講
PS下年就選科
我知我依家講實在言之過早
我頭先提到我嘅成績好平均
但整體而言 文科嘅成績偏高
不過我其實想讀理科 因為比較有興趣
但今次考試成績低到令我懷疑到底係咪真係適合
我知道自己嘅問題出現係溫書嘅方法
我並無打算以捷徑求其應付我嘅學業
所以我想請教下大家係點樣溫書
希望大家可以教下小妹 多謝咁多位
小妹今次係第一次投稿
如果小妹打錯/漏字
希望可以口下留人 尸口巾得細力啲
Sor for 1999
Admin pls po ig pls
圖Link: https://ibb.co/mDzzFd4