#NSS個人
[[GUEST]] Hii求admin們po to IG 😭
長文(?) 小小自我介紹：小妹Form 2，band1中學，成績唔錯 喺精英班度，人緣 同個樣都ok。
咁我小學果陣就問蚊過2～4隻大牙，就因為蛀咗小小牙（細個嗰陣好鍾意食嘢，厭刷牙煩，通常漱個口就去瞓⋯⋯而家好後悔）。牙醫話要盡早處理，所以就咁，依家啲牙生返，好整齊 但係最近發現又蛀咗，仲要係4/10嘅牙都蛀咗！！
最近有好多默書測驗啦，咁我夜晚溫書溫到攰就會去瞓，懶得刷，朝早都係漱一漱口就食早餐，因為方便又省時…
我而家嘅情況，全部牙齒都有少黃，大牙又係蛀咗，入面果啲智齒都好似喺度蛀緊😰😰
由今日開始我會認真刷牙啦，但係我對牙齒護理嘅知識真係冇咁多，係咪淨係早晚刷牙就得，定係食完嘢都要，同埋要唔要再去睇牙醫？但我見而家疫情好似… 但總之如果要睇嘅話，要洗嘅錢都唔少啦，但係我蛀牙都未話俾屋企人聽，我一個普通家庭，得穩定收入，唔係幾想嘥幾千蚊😭
所以想問吓各位，除咗盡快睇牙醫同刷牙同食少啲甜嘢之外，仲可以做乜？刷牙又有乜學問？
ps 發現咗有蛀牙嗰陣時，成個人真係喊晒，聽講呢啲嘢惡化得好快，再咁落去要做手術嗰啲⋯⋯ sorry for 1999，thanks admin 😭🥺
預咗會被屌😭😭😭我自己懲罰緊自己㗎啦😞