#NSS學業
[Guest] 我今年form5, 讀band1 中學精英班。
話說我有個friend, 佢大過我同埋成績超級好(全級頭幾），但係佢係friend group 入邊最幼稚嗰個。
首先佢會成日無啦啦扮BB嗌，（一日起碼五六次）我覺得佢都咁大個人，真係令我反感。
另外冇使錢嘅觀念，有時同佢出街食飯，我哋嗌嘢食，佢成日唔理價錢，叫啲好貴嘅嘢。但問題嚟啦，當我同佢講你嗌啲嘢好貴嘅時候，佢只係回答我「是但啦，都唔係我俾錢嘅，我屋企人會比㗎啦，總之呢啲嘢我唔使理，都唔關我事啦。」 我個人覺得嗌貴嘢唔係問題，但好似搞到係理所當然咁，先係問題。佢好似完全唔知道賺錢係有幾咁辛苦㗎。
最後，作為中學生，我相信一定要有基本嘅自理能力，但係佢到而家乜都靠工人，我有一日同佢講嗰日條辮好靚，咁佢同我講「係咩，我唔知我工人扎咗啲乜喎，佢日日幫我扎。」真心又嚇親，我知道佢係連基本馬尾都唔識。我哋都17歲啦，仲要叫工人幫佢扎辮。
其實我唔係想話佢，但係我覺呢個問題得好嚴重，出到社會唔佢哋會點樣生存，當我勸佢要學識自理嘅時候，佢都只係話是但啦。
我唔可以話我好認識呢個社會，但我知道佢哋係一無所知，最後想講嘅係就算成績有幾好，都唔可以忽略關乎自己生活嘅事。
Sor 1999
求admin出post