#NSS其他
[HFCC] 我有一個BFF，同我識咗六年，大家都好了解大家，升咗中學之後大家派到唔同中學，我屋企又係管得嚴果類，只可以靠手機聯繫。我好驚我哋嘅友誼就因為派咗去唔同中學而散咗，所以我每日都會Send短訊俾佢噓寒問暖。係我哋兩個友誼之間，我係嗰個淨係識道歉嘅人。今日講起我嘅仇人，唔知點解佢做咗中間人，我同佢講道理，佢又話我唔使咁認真，決定企係我仇人嗰邊。我覺得大家有唔同嘅意見好正常，但我真係唔明點解佢會同我仇人講我講嘅。我懷疑佢背叛左我。
再之後，佢話我日日Send短訊打電話俾佢佢覺得好煩，我都係想維持下我哋友誼姐，冇其他諗法。而且平時我講10句佢先應一個笑哈哈，搞到我好驚。我剩返佢一個交心嘅朋友，特別特別驚失去佢。然後佢就block左我。
我唔敢同佢say no，我好驚冇晒朋友，我知我好軟弱，但係我無選擇。我覺得佢離我越嚟越遠。對佢我從來都唔會冇禮貌，佢嬲我就講對唔住，講到佢原諒我為止。
最大劑嘅係，佢知道我唔少秘密。假如佢背叛左我，我啲秘密好可能會曝光。
原來唔同學校，友誼真係好難維持落去⋯⋯
我哋嘅友誼係咪就咁完啦⋯⋯我係咪唔應該繼續同佢做朋友，請大家俾啲意見我🙇♀️🙇♀️
Sorry for 1999
Admin please po ig,thank you