#NSS家庭
[Mckln] 我有個啊哥 佢係一個啃老族
佢由係到大都好反叛 我同佢細細個嘅關係都唔好 成日打架 係le 幾年佢性格正常返d 先同我好返d
佢而家對我其實係幾好嘅 但係我好唔中意佢嘅一點——啃老族 佢而家20出頭 dse 考唔好 讀唔到大學 所以考副學士 （想問埋 讀副學士係2年？因為佢讀左3年 係咪repeat 左？）佢成日諸多藉口 又話le 樣要錢 果樣要錢 佢而家學緊車 d 錢又係阿爸阿媽出 我真係好無語 佢而家有做pt but 仲問阿爸阿媽攞錢 佢好中意車 所以又話會買車 又話到時出黎做有關車嘅工 我知道你想追求自己嘅夢想啊 我好支持 不過夢想唔係要自己阿爸阿媽幫你買單咯
佢21歲 仲要伸手問父母攞錢 好唔好意思？仲理所當然咁話 你都有錢 我點解冇？
我由細到大都係訓上床 佢訓下床 我係廳做野 佢用房做野 f1果陣我真係頂唔順 去做爺爺嬤嬤道訓 終於有自己間房 不過f2 開始停課 爺爺道冇wifi 所以一定要搬返去屋企住 因為我有一排唔係道 所以上床比阿媽擺野 加上屋企換左梳發床 我就係梳發訓 我今年揀科 想有自己做野嘅空間都冇 夜晚溫書 阿媽又話我嘈住佢 有時候我真係好嬲 佢係入面打機 而我做正經野就係廳？ 細嘅一定要讓自己d 空間比大果個？憑乜嘢我要訓廳？
我阿媽由細到大都偏心阿哥 阿爸就偏心我
前幾日 阿媽阿爸同我講叫我勸阿哥返大陸讀書 （佢地係深藍 我同阿哥係黃）
我緊係話唔得 而且阿哥唔會肯 加上佢讀書唔好 不如出黎做野好過 比阿哥自己決定
我阿媽就勁大聲鬧我 話我點點點 鬧得勁難聽
我好無語 關我乜事？係我令到佢咁？我由細到大都讓埋間房比佢 仲想我點？比埋條命你好冇？ 佢一直唔相信自己由細到大教嘅仔唔得 話比佢讀醫生 我心唸 佢係香港dse 考到咁 返大陸會好？唔好挽啦（我終於知道點解大陸死咁多人）
我而家好驚我阿哥去到30歲仲攞阿爸d 錢使
有冇人教我點做？