#NSS家庭
[Mss] 初三拜年嘅時候 我嘅姨媽同我阿媽分享話我po IG show 長腿 爭啲以為係佢啲frd喎（以開玩笑嘅形式講）
於是前幾日我阿媽藉住想睇陳法拉結婚相嘅理由入駐IG 其實講陣時已經知道佢係想check我IG 註冊完之後就即刻問我嘅IG 之後先問陳法拉嘅user
我即刻好驚啦 嗰晚訓覺嘅時候 醒起自己po咗一張自己同同學放學之後偷偷地去買奶茶嘅相 第二朝即刻dlt咗 希望佢冇睇到
其實之前係玩fbk 不過俾啲老人家（包括阿媽）發現咗（推薦朋友嗰啲睇到）識埋一啲都係once嘅網友 之後阿媽知道咗 佢心裡面嘅網友一係就係想呃你錢 一係就想呃裸照 總之就係衰架啦 所以玩咗一陣就冇玩
有一次有一個同學叫我影作業pg幾pg幾俾佢 我send咗俾佢之後佢（好似）無講thanku 所以我阿媽就用我手機錄咗段錄音俾佢 鬧佢 講咗啲類似無家教阿 自己無帶作業 就應該自己準責任話俾老師聽 唔應該問同學send俾佢 如果再係咁就話俾佢阿媽/老師聽
再之後（近排）我註冊咗IG 玩咗一年 一直都好驚阿媽發現 但係最終最驚嘅事終於嚟咗🤦🏿♀️🤦🏿♀️
阿媽，我一直都有啲說話收埋係心唔敢講 我想講嘅係 雖然我係你成出嚟 但係我唔係你家 我做乜嘢 你有權知道 但係冇理由禁止我想做嘅嘢 有淨時呢個世界唔係你諗得咁衰 呢個世界亦都冇咁多壞人（認真阿騙子搵都搵啲身材好啲嘅呃裸照，有錢啲嘅呃錢啦 你個女無錢無樣無身材 只係算比較聰明 邊有咁容易俾人呃阿）俾啲信心你個女得唔得阿 同埋俾啲自由 我而家連IG po個story都驚講錯嘢（經常性係story講粗口🌚🤫）求吓你啦🤦🏿♀️🤦🏿♀️🤦🏿♀️（小女嘆息）
希望可以體諒下我🙏🏿 麻煩admin po IG🙏🏿🙏🏿
sry for 1999