#NSS學校
[GUEST] 求admin po ig🥺 感謝🙏🏽
長文，希望大家唔好介意😖
係咁嘅，小妹由細到大都係個人緣麻麻地嘅人。今年喺中文堂識到三個close friends (國際學校讀中文嘅人好少，我嗰班得四個女仔，自然地就越黎越close) 其中有一個女仔(下稱n)喺學校跳舞堂都同我同班。因為呢段友誼實在得來不易，所以我真係好珍惜，好多嘢都好包容好忍耐。
返正題，最近我地跳舞堂要兩人一組負責一個民族舞workshop，要講factual info同埋做practical。因為我同n比較熟，好自然地一組做啦。我同n識左半年多啲，知道佢少少背景。因為佢過往經歷嘅原因(喺度唔講太多)我一直唔敢太深入地了解佢，我只係知道佢好敏感，情緒出過事，性格任性啲。佢屋企人比較錫佢保護佢，試過幾日唔返學。
第一堂n有返，我地順利地傾晒分工。當我以為之後都可以好順利嘅時候，佢第2堂開始連續冇返3堂。好彩分好晒工，佢唔喺度對我影響唔算太大，咁我咪算lor(但係令我有少少唔妥佢，之後老師都有私底下同我講，如果n再唔返，到時佢嘅部分未完成就算啦) 而我只係關心地追問過佢嘅進度一次。
之後我哋開始討論practical，我負責基本動作，n負責一段短嘅routine。我提出咗兩個建議：第一，我將啲基本動作教識n，n將佢哋串埋一齊成為一套短routine；第二，n教識我佢隻「喺北京學嘅中國舞」，我將入邊嘅動作拆開變成基本動作咁教。其實我咁做係有原因，因為我有教跳舞嘅經驗，我希望兩個部份係有關連，咁其他人學嘅時候可以容易啲跟上，但係n就好唔情願，佢好堅持兩個部份唔需要有關連，原因係「佢隻舞啲動作好簡單」順帶一提，之前佢教social dance workshop嘅practical part指令好亂，完全冇講方向同拍子，我呢有跳舞底嘅人都唔係好跟得上啲動作同方向。其實呢個時候我絕對可以將我對佢嘅不信任表現出黎，但係我冇，因為我唔想顯得自己係一個唔信任朋友嘅人，我願意尊重佢嘅決定。
啱啱上一堂我地開始討論practical嘅時間分配，我話我最多20分鐘搞掂，but佢好堅持要我試教一次(已經feel到佢唔信我講嘅時間) 我就話我ok, 暫時唔使試教。點知n都係堅持己見，我地就喺呢個話題「傾」左十分鐘。之後n頂唔順，搵左老師入黎breakout room調解，佢第一句就話 ‘(我個名) and I were discussing about our timings. I suggested her to try teach it to me and time herself, but she keep saying that she can do it within 20 mins. This conversation is going on for ten minutes, and I fee quite frustrated because this 10 minutes time is wasted on some useless conversations.’
我聽到之後火都黎埋，你依家擺到明就係唔信我啦！乜朋友之間唔係就係互相信任咩？當你人間蒸發嘅時候我有冇開聲話唔信你？冇！當你堅持要將你有問題嘅教法搬出嚟嘅時候我有冇話你？冇！我只係婉轉地提出建議，完全冇唔信任你嘅行為。其實朋友之間真係好講個信字，互相信任可以減少好多磨擦，令成件事更加順利。我自問已經好努力遷就，即使內心唔認同你嘅做法我都願意相信，因為我真係當你係朋友。但係冇諗過，只係因為我堅持自己嘅諗法，你將你對我嘅不信任毫無保留地展露出嚟。其實係呢次合作，我有好多位都可以唔信你，但係我冇，我選擇相信你，因為我當你係朋友，我亦唔希望呢件事令我哋之間自此出現一條裂痕。
因為n性格比較敏感，真係唔係好知可以點樣令佢知道我不被信任嘅唔開心，想問吓大家我應該點樣處理？最近為咗呢個問題煩咗好耐，希望各位俾啲意見🙏🏽
我知篇嘢好長，睇到嚟呢度嘅多謝你🥰
sorry for 1999