#NSS個人
[guest] 哈囉~我係一個唔正常嘅中三留班生，今日我想講下自己嘅故事。
四年前我啱啱f1，一切都好正常，只係壓力過大跟唔上進度，係咁問人抄功課，問到開始俾人bully，一bul就bul咗三年，一年之後就比醫生話有情緒病，當然我知自己唔止呢啲嘢，只係有啲我冇講出黎，因為唔想身邊人擔心。
之後嗰一年，我就因為某啲事，俾人網絡欺凌咗一段時間，嗰班人嘅大佬係b（f1 bully好似都係佢帶頭），佢哋係我嘅陰影，係我所有嘢嘅源頭，可惜嘅係我求救唔到，因為我知道班人同老師熟，冇人會信我講嘢，仲有嘅就係我比一個嗰陣班裡面好frd嘅人背叛，佢同我做frd只係因為佢當我係一個籌碼，一個換frd嘅籌碼，呢個係我開始唔太信人嘅因。
上年，我同其中一個frd（b）算係解開心結，甚至有一次我差啲頂唔順想走嘅時候，都係第一個同佢講，佢都係講咗少少嘢救我嘅人，做咗大家班上比較好嘅朋友，嗰陣大家都算係有共同敵人，好記得有一次佢同幾個frd比班人搞到見訓導嘅時候，我安慰佢哋，嗰陣我哋嘅感情仲係幾好。
直到今年，我留咗班，b同咗a frd，但本身佢都知我發生咩事，但佢好似當冇事發生咁，繼續做frd，而我又覺得因為佢曾經救過我，所以只要佢唔係做啲傷害人嘅嘢，我都要原諒佢，又係咁我一直fol佢ig，一直忍佢，只係有時見到佢哋兩個，甚至喺其他人ig見到佢，我都會失控。
就喺呢一個月我同屋企人日對夜對，開始惡化，而老竇老母有時會講啲比較難聽嘅嘢，叫我垃圾，話我肥，令我有飲食失調，唔正常嘅飲食習慣，有少少解離/精神分裂嘅症狀，當然通常我會比自己喺得自己一個嘅空間先徹底病發，大失控一段時間，直到呢一刻都係。
呢個就係我嘅故事，多謝各位