#NSS愛情
[IMSC] 小弟喺半年前喺補習社識到一個同年級嘅女仔，佢大過我半年，隔咗一段時間搵到佢IG，Follow咗佢之後覺得佢份人幾可愛性格好好，係一個好鍾意笑好開朗嘅女仔，佢嘅笑容可以話係感染到我，而且佢唔係好高，企係我隔離覺得佢細細粒咁好得意。
咁之後我就開始搵佢傾偈，直到最近我哋傾偈嘅內容越嚟越曖昧，佢啲朋友都以為我哋拍緊拖，之前都暗示過佢幾次但係佢好似get唔到，唔知係唔係因為佢係A0？佢話佢信星座，成日都會推薦啲星座排名俾我，每日都有傾偈，互相send早唞同早晨，但係佢好多朋友同聲同異性嘅都有好多。自問自己様都唔差，有冇機會追到佢？
雖然佢未係我女朋友，但係我之前唔開心佢見到都安慰我，又成日送嘢俾我，之前我扮失戀引佢注意佢都有安慰我。不過有陣時見到佢同佢啲男仔朋友互相tag story 我又會呷醋，好想快啲同佢表白但係又驚拒絕咗之後做唔到朋友。不過聽講最近有人追佢，咁我應該點算好⋯⋯？追唔追？如果追嘅話點樣追？
Sorry for 1999:(