#NSS家庭
[GUEST] *如果想睇重點可以直接睇最後一段
背景：本人係今年嘅DSE考生，之後仲有一個小二細妹，父親因工作所以長年返唔到屋企，而母親雖然有時都會返屋企但唔係成日，就係因為咁樣嘅情況所以我哋由細到大都有請工人姐姐。
係今年因為呢一個工人姐姐滿約，而母親因為想換過工人姐姐所以冇續約，而係請咗另外一個，諗住想係七月份個工人姐姐走咗之後，新姐姐可以無縫接軌，但係問題就出現咗喺度啦，因為疫情嘅原因印尼需要21日隔離，而我母親同我講中介話冇飛機，隔離酒店full左。
我依家越嚟越需要專注學業，雖然細妹仲聽話但係始終都係唔放心，母親嘅工作又好難抽身，我嘅生活就係嚴重受到影響。
所以我想請求一下各位🙇🏻♀️🙁
-而家印尼姐姐過嚟香港嘅情況係點樣？
-係咪真係唔夠隔離酒店同飛機比工人姐姐過嚟？（我上網睇有關資料我睇到越嚟越迷）
-請問大家有冇一啲可以解決而家照顧同埋家務嘅問題？
真係好多謝你睇到而家呀！