喺呢年半，我嘅性格突然間變咗好多。係由拍咗年半拖嘅男朋友出軌開始。
本來我係一個都算活潑好動，多嘢講嘅女仔。但自從同ex分手之後，我並冇好似一般失戀嘅人咁變得好失落，成日都喊，反而係對一切嘅嘢都變得好無感。有時候諗起ex，我係冇任何情緒，而係會係冇情緒之下係咁喊係咁喊，喊到我控制唔到，但係真係唔知點解會喊。
每一次喺學校撞到ex，我都冇乜嘢，不過唔知點解一返到屋企又會控制唔到喊，仲有試過喊到失控，走咗去𠝹手。但係我都唔知點解我會咁做，正常人唔開心都會有原因，但我偏偏就係冇。
除咗呢件事之外，我對好多其他嘢都好無感。例如上個禮拜學校last day，個個同學因為唔捨得所以喊晒，但我完全冇任何feel，為咗融入大家，我只可以一齊扮唔開心。又例如社運呢件事，好多人都比狗打，比狗捉，比狗以暴力對待，但係我都完全冇心痛，傷心，絕望嘅感受，我知我咁樣真係好好好冷血，我都好憎自己點解會咁諗，我唔係因為係藍絲先會咁諗，我知道啲狗咁做係好唔啱，但係我偏偏冇辦法有呢種感受。
為咗睇起上嚟似返個正常人，每一次都只可以去扮開心，唔開心，憤怒。我覺得自己就好似一個機械人咁，完全冇感情。
sorry for 1999