#NSS學校
[Guest] 長文慎入
–
To IL：
我有啲嘢想係度同你講，因為你block左我，我只能夠係度講，同將你所做嘅野公諸於眾。
–
其實我地唔係特登疏遠你，而係你做嘅嘢對於我地黎講真係好反感，導致我完全唔想再同你有任何瓜葛，你睇完之後可以作罷，可以唔改，只不過我地唔會再理你。如果你改左，我地會考慮重新接受返你，但係至少宜家唔會。
–
1. 你好似跟蹤狂咁樣跟蹤我地
事源就係我地唔諗住約你，因為我地女仔有啲野並唔想你去知道，加上你一知道就會好似大喇叭咁樣傳曬比全世界聽，所以我地並唔想你知道我地講嘅嘢，所以我地唔想同你一齊出去。但係你好似冤魂咁樣纏住我地，我地去邊你都要跟到實一實，好似驚死我地會冇啦啦係條街度死咁。
例如我地去觀濱，我地從來唔想有你係度，但係偏偏你就跟住我地，呢種行為真係好似私生飯咁樣囉好嗎？你自己做咗啲咩差唔多嘅嘢你自己心知肚明，唔需要我多講。
2. 做人電燈膽做到好出格
其實你係咪唔知電燈膽好黑人憎？oh… 唔記得左，你冇拍過拖唔知道添！忽略呢點，你真係做電燈膽做到係人都怕。當你嗰個兄弟同緊佢女朋友二人世界緊嘅時候，你做咗一件好抵鬧嘅事「企係佢地兩個中間」。試問一個正常嘅人，都唔會企係一對情侶中間啦，你仲要好似跟蹤我地咁樣，癡實佢地。
舉個例子啊，有次你話拍拖個兩個去出街睇戲，你就跟住佢地，跟到實一實，人地自己拍拖你就話:「我同你地一齊睇啊！」佢地根本唔想你阻住佢地二人世界，但係又唔好意思講，所以就同你講佢地翻屋企。你跟到佢地去地鐵站先走，仲要睇佢地入埋閘，咁樣唔係你問題咩？你到依家仲係覺得你自己咁樣嘅行為冇錯咩？
3. 不顧他人感受
之前我地學校出左單初步確診，當連學校都緊急疏散喺學校嘅學生嘅時候，你卻悠哉悠哉地返小學探老師。你意識唔到事件嘅嚴重性，如果老師真係賴左野，而你又賴左野嘅話，事件會變得好複雜，小學生嘅免疫能力比較差，可能會導致武肺係學校大規模爆發，咁樣係咪你負責？人地嗌你去你可以拒絕㗎嘛，你幾重視你嗰班朋友都好，我覺得呢種時候需要拒絕囉，好冇？！
4. 唔識得反省
好似全世界都得罪自己咁，郁啲就話人，完全冇諗過自己有冇錯。我鬧完你之後我都有反省自己，所以我咪冇繼續話你囉！如果咪我可以繼續公開咁鬧你，叫同學疏遠你，但係我冇wor！因為我已經反省左自己有咩錯，亦都承認左我喺班上面鬧你係衝動，所以我咪冇囉！相反，到目前為止，我睇唔出你有反省過自己，反而將責任推畀我地，覺得一切都係我地嘅錯，你完全冇做錯任何野咁。
–
其實如果你唔係secret度投稿，呢件事就可以告一段落，可惜，你投左稿。你要玩啊嘛，我咪陪你玩囉。癲啊嘛，我陪你鬥癲，睇下邊個挨到到最後囉🥂