#NSS家庭
[GUEST] 長文慎入🙇🏻♀️小妹17歲
一直以來都好憎自己老豆
老豆係一個好無理取鬧，好食懶做，仲唔會聽人講嘢嘅人，可以話係根本溝通唔到
由細細個開始，成屋同老豆之間嘅關係都好惡劣
老豆郁啲就撩交嗌
例如有陣時放學/zoom/考完試之後好攰，所以會訓一個鐘左右嘅晏覺，但老豆就成日係我訓緊嘅時候開電視開到好大聲，因為屋企好細，所以就好聲好氣問佢可唔可以較細聲啲，佢就會話:我鐘意咁大聲就咁大聲！你唔好理！
但問題其實佢根本就唔係睇緊電視，只係開住之後做其他嘢…
有次因為食飯覆緊一個重要msg，然後又比佢好大聲再拍枱咁鬧：食飯就唔好玩電話！講極都唔聽！
但其實我淨係得嗰次因為要覆重要msg先㩒咗一陣電話，成個過程兩分鐘都冇，同埋平時食飯都唔會睇
咁我以為唔睇熄咗佢就就ok啦，又唔係㗎喎，佢會無端端扯埋啲唔關事嘅嘢嚟鬧，講到越嚟越嚴重，最後仲會鬧埋我阿媽教壞我
老豆所講嘅教壞其實只係因為我冇順晒佢嘅所有要求。佢控制慾好強，係強到要控制我自己嘅思想喜好去迎合佢個人期望。例如本身我唔係一個鐘意影相/video chat嘅人嚟，而佢亦都知，但有一次佢用一個好命令式嘅語氣去逼我同我阿爺video chat，之後我唔係好想，所以就同佢講不如就咁voice chat就算，點知佢就突然勁大聲咁話：唔洗講喇我唔理，我要你咁就咁！你唔鐘意都要㗎喇！
同佢再解釋又唔聽，問佢想點又唔講，就算順佢意思都淨係會繼續大聲夾惡講晒粗口咁鬧我，到最後我唔理佢佢都會好起勁咁一直鬧啲好無厘頭嘅嘢。
仲有一樣野覺得佢好過分，佢已經冇返工好多年，屋企收入來源主要靠阿媽，仲有我有時返下part time幫補下。但老豆仲成日攤大手板問阿媽攞錢去賭，輸咗返到屋企又發脾氣，係咁鬧阿媽，以前嚴重啲嘅仲試過用刀去恐嚇我阿媽。
有時老豆贏咗錢，就會比幾百蚊我地咁，但一到下一次嗌交佢會拎返啲咸豐年前比過嘅錢嚟翻舊帳話對我地幾好幾好咁，但轉頭又問阿媽借錢賭輸曬。
其實我只係想平平淡淡簡簡單單咁過屋企生活，但就遇上仆街老豆。
最後奉勸各位結婚生仔前要諗清楚係咪真係會對另一半或者日後嘅家庭負責任。
多謝睇到呢到嘅你地🙏🏿亦都同一啲同我有相似處境嘅人講返句 辛苦晒 共勉之。
Thx admin🙇🏻♀️
圖Link: