#NSS個人
[GUEST] 咁喺喱個無聊既「暑假」，頭先見到有個關於cam既post，令我唸起一個我覺得幾無厘頭既故事。
_
小學我有去補習社，放學去做功課溫書。其他人我唔知啦，但我個人覺得嗰到既氣氛好恐怖😹
有次就黎要考試，9歲既我放學照去補習社。我份人本身就容易唔記得野，上一秒都仲記得，下一秒就可以完全唔咗件事。就係咁，我完全唔記得要同補習老師講考試件事，亦都無溫書。嗰日唔知點解就特別多人啦，由於我做完功課，又「唔洗溫書」，老師難得俾我早放。
好啦，返到屋企，阿媽就問我溫晒書未啊？我就知道瀨野。佢繼續問既然未溫晒書做咩咁早返黎？我話因為補習社嗰日好多人。嗰晚我阿媽逼我溫書溫到凌晨12點。我有聽到阿媽打電話俾補習社，但細節聽唔到。
第二日，又係去補習社既一日～我一入門口老師就拉咗我入去，係其他學生面前用好嬲既語氣問我：「你琴晚係咪溫書溫到好夜啊哈？」
我答唔係
老師：「咁你溫到幾點？1點？12點？」
em當時既我為咗面子，答咗佢11點😹
接落嚟佢講咗句我完全唔知點接落去既句子。
老師：「我知啊！我有你屋企既cam，我琴晚睇住你溫書ga！」
我當下完全呆咗，我無信佢，心唸：你都傻既，你有我屋企有cam咁你咪可以偷晒我哋啲錢！我阿媽同你又唔係熟，真係當我傻既咩🙄
返到屋企我唔知做咩，唔同阿媽講返😹不過幾年之後有講，我阿媽都呆咗（已經無去補習社lu～^^）
Anyways希望有會俾到大家小小既歡樂（？）😹
大家加油，我繼續係屋企發毛。
_
本人第一次投稿🙇🏻♀️
Sorry for 1999