#NSS愛情
[Guest] 喺度想同大家分享吓我嘅經歷
記得中四嘅時候 「他」被編到去同我同一班 因為疫情緣故 中四初時都係上網課 雖然大家不熟絡 亦因為冇咗真正嘅學校生活 而冇咗好似以前咁因為同班多咗接觸而好快熟絡嘅機會 但係當我透過電腦望過佢嘅容貌後 我就覺得佢對我嚟講並不平凡
疫情緩和點後 開始回復實體課 雖然係班上相遇 但可能因為初初調位時並不近 所以溝通亦唔多 而喺有一日 我發現佢悄悄加了我嘅Instagram 仲dm咗個「hi」俾我 我睇過後思考咗片刻 就扮做唔知咁 問咗句「你係邊個？」佢爽快地答了句「我係XXX」之後就一直開咗不少話題 一個話題結束後本應當日嘅聊天便結束 但係佢卻可以喺話題結束再開一個同上個話題截然不同嘅話題 由嗰陣開始我就覺得佢幾特別又幾可愛
在嗰次嘅chat後 我地嘅關係就變左喺喺校園生活中睇落唔熟 喺網絡世界就無所不談嘅夥伴
直到新一次嘅調位 咁啱被編成一齊坐 就喺嗰次之後 我地就開始喺現實生活中講多左野 好多時都感覺到佢好想接近我 例如排隊嘅時候總係排喺我後面 放學又會睇下我走未先 又成日拖住運動細胞差嘅我隻手拉我去打籃球 最記得係sports day時我自己坐咗喺一邊 佢見到我問我自己坐喺度想點 就拉咗我起身打氣 一隻手喺度揮手打氣 另一隻就拖住我仲拖得好實 呢種微妙嘅關係就喺呢年慢慢萌生
直到之後唔知點解大家少左溝通 喺學校遇到都只係掂行掂過 我好想知點解 但我又唔敢問 message佢 佢已經不如以前同我開話題 若果我冇主動搵佢佢亦唔會搵我 就算我搵佢 佢亦只會喺我問完問題後敷衍答完就算 佢一句「嗯」一個「😂」當我睇完後雖然我只係靜靜咁退出聊天室 內心卻係好痛 痛嘅唔係佢當下hea覆 而係諗到以前無所不談 而家卻只係敷衍覆一句 我係為咗嗰種可惜而痛 一直諗 一直諗 其實我係咪太煩？定佢已經唔想理我呢？腦海中一直湧出呢啲問題
呢種情況一直維持到而家 好想同佢坦露心聲 講一句「我中意你」但係當我知我地之間係無可能我就會卻步 因為其實從頭到尾 我都係一個「他」。
時間去到