#NSS家庭
[Kyc ]
1.其實自我小學開始 我老豆已經係個勁麻煩又長氣嘅人 只係當時小學唔識反抗 先至造就左今日嘅佢 好啦宜家到咗中學 自從由中一開始 佢好似踏入更年期咁 將佢以前留落嚟嘅問題一發不可收拾 好似咁簡單淨係講美國同大陸咁 永遠話大陸都係最好 美國永遠係最唔好 日日討論呢啲問題 但係屋企永遠都係得佢喺度吹 同佢講又鬧 之後又話唔好相信西方媒體 嗰啲全部都係呃人 好啦 呢個我就當係你嘅個人意見 我都費事理你😑
2.因為我由細已經有玩功夫玩到宜家 咁拉筯當然必要嘅 但係你有冇理由叫話日日都要拉 日日都拉呢個都唔係問題 問題係拉嗰陣又喺費嗡 又話點解以前小學拉到一字馬宜家唔得 其實我心諗：唔好癲啦 我中四喇阿叔 點樣拉到小學咁???? 之後其實係人聽到呢啲都會火㗎啦 我就去問佢你做唔做到 之後佢答唔出 等咗三秒之後又話做多10分鐘一字馬 做唔好就繼續做 好啦！呢個我都忍你！！
3.最過分嘅始終都係吹毛求疵 雞蛋裏挑骨頭 佢可以因為個電視remote攞得唔好而嗡足啲費嘢全日 當然仲有好多啦 不過我驚嚇親大家 所以就無謂講啦😂
其實容忍有個限制 你點對人人點對你嘅啫 不過好彩仲有老母同阿哥家姐明白我 等我都見到有些少𥌓光🥹