#NSS個人
[Guest] Admin pls po ig thankssss🙏🙏
呢次係我第一次黎投稿，如果有打錯字請見解見解
小妹有個好 friend 嘅朋友，叫住 A先。講我嘅煩惱之前先補充一下背景。Form 1嘅時候其實同A唔太熟，只係有次老師調位先至開始同佢講野。form 2嘅時候又同一班而且主科全部都一齊同一組(我嘅學校有分組)，就同佢講多左野，亦都發現我地嘅興趣、性格等等都差唔多，亦都志同道合，平時出街一齊玩都唔會有dead air。
講返正題，我最近約左A同埋幾個 frd 一齊去貓 cafe 食野，我打算同班 frd 食完野後單獨同A行陣街。我同佢因為有野做所以遲到，其他 frd 就係 wts group send 左個餐牌出黎俾我地先睇下有咩想食，再同佢地講，佢地先幫我地叫餐。當我到達餐廳的時候A 已經到左，食物亦都已經上左臺，但係A 一淡都冇食，我問佢做咩唔食，佢話佢唔係咁想食lunch。我由佢，冇理到。之後我食得快，就叫班 frd 俾返錢我，我一次過俾。問題黎了，A 就話佢一淡都冇食過，憑咩要佢俾錢，而且都冇講過黎食餐飯要叫一個餐(貓 cafe 規定要每個入場人士叫一個餐)，但係當日 friend 都係wts grp叫我地點餐，而且我叫佢食D野嘅時候就講左唔食你會蝕錢。A 之後唔講野，我以為佢會諗下諗下就會俾返錢，點知佢拎埋個袋發脾氣走人，結果我同其他幾個 frd 要俾埋佢個餐嘅錢，一個餐對我地黎講無算平，所以冇辦法平分曬個餐錢，剩低D 數我就俾埋，諗住等成件事平息一陣先再追返錢。
事後我搵返A叫佢俾返錢，佢仲覺得自己冇錯，唔肯俾。其實佢欠我嗰三廿幾蚊唔係重點，重點係我唔明白點解都已經 form 3 嘅人都會玩小學雞發脾氣。所以係呢度想大家評評理究竟係邊個啱。
另外一個問題，都係關於A，之前我邀請過佢黎我屋企玩 switch，佢之後問過我可唔可以借部switch 俾佢同佢另一班 friend 玩，我當然拒絕，佢隨即唔理我幾日；也有次叫佢黎我屋企玩，臨黎嘅前一日又話唔想黎不如去行街去某某adventure樂園玩(我之前同過佢玩)。我現在開始懷疑佢同我做friend 係咪因為我會請佢所以同我做 friend，或者可以由我身上羅著數。求大家俾D 意見俾我我應該繼續同佢做 friend 定係同佢做普通同學算？
Sorry for 1999