#NSS個人
[Guest] 長文⚠️（我之前都去投過稿，但係好似冇出到🙇🏻♀️
小妹今年15歲，想搵下d part time做下
交代返背景先，前排屋企人因為疫情嘅關係冇晒生意，搵唔到錢，所以佢地就諗住賣左層樓佢，睇下賣唔賣到，然後去租樓住，但係我係呢度都住左差唔多10年，可以話係有晒感情，同d鄰居呀嗰d都好熟，實在係唔想搬。
原本媽咪係話等我考左大學先再搬屋（當年佢地話想買新樓，但係依家可能都買唔到）但係依家咁突然同我講話想賣樓，我真係未ready好。。。
所以我想去搵份part time 做下，希望可以幫補下家計咁，雖然一定幫唔到幾多，但係我覺得我起碼可以賺到d自己嘅零用錢，咁爹地媽咪就唔洗每個星期比成幾百蚊我（我係真係要用咁多，父母都要返工，我放學要食飯，而且屋企離學校又遠，車錢都幾多下，但係我剩低嘅我一定會儲起）
講返搵part time，我識彈琴，已經考左8級，亦都要唔錯嘅成績，有諗過去琴行睇下有冇d乜機會，但係我真係完全冇經驗，所以唔敢亂咁嚟。
可能你會話我呢個年紀讀好書先，但係我依家覺得呢個問題比較逼切，加上我成績其實唔錯，讀緊band 1a 中學，上大學其實唔係大問題，而且我可以當係攞下d社會經驗，識多d嘢都好。
所以我想問下有冇人係有呢方面嘅經驗可以分享下，或者有冇d咩意見/工種介紹可以比到我，麻煩晒🙇🏻♀️
Admin please po ig (sorry for 1999