#NSS個人
[Guest] 係咁嘅
小妹懷疑自己真係好有病
點解可以咁缺乏安全感
又成日都呷醋 對方仲要係同性
本來心裏面都覺得朋友同朋友傾偈咁係冇嘢
但心硬係覺得好唔舒服好想當場喊
我都唔想到返轉頭得我一個係學校嘅一個邊緣人
我都想搵其他人一齊玩 好想做返一個同人溝通到嘅正常人
成日都好介意人哋點睇
或者對任何野好敏感 明明本身嗰件事冇乜嘢 但就成日諗埋其他嘢 有陣時真係控制唔到自己 每次一見到自己朋友同其他人傾偈之後 心情即刻變壞晒 好想係果一刻帶住耳機乜都唔聽 然後快快脆脆返屋企算 最近壓力又大 返part time 又俾人蝦 我仲記得有一次返工嗰陣有個男仔特登好大力咁撞過嚟我嗰邊 好串咁講咗一句 sorry wo
然之後仲有好多一連串嘅野發生
搞到我返工都變咗一個負擔
我唔想返工返到咁頹 咁唔開心
加上學校啲嘢又跟唔上進度 又有測驗又有默書 啲時間都去晒返工嗰度 根本好似冇咩時間咁
呢啲都算 諗住都有個朋友可以傾吓心事都好 結果呢…成日小息見住佢哋可以傾得咁開心 我好羨慕 羨慕得來又呷醋 好驚有一日我唯一一個好朋友會唔理我 好驚佢覺得我好煩 好乞人憎咁樣
我好唔明點解我會對一個朋友呷醋 明明佢都係同我一樣性別 我有資格去呷醋咩？每次見到佢哋傾偈個心唔舒服就知道自己係呷醋 嗰種唔舒服真係好難頂 每日仲要咁嘅感覺 我唔明點解我可以咁 其實我投稿就係想同大家講 有冇啲方法可以令我唔好成日無啦啦就呷醋 同埋想問吓大家我呷醋嘅對方係同性嘅話係咪有病 而家咁搞法 對方已經知道我咩事 我諗佢應該已經覺得我好煩同埋疑心好重 我唔想因為咁樣而冇咗朋友 我自己都唔想因為呢啲事唔開心 好想令自己睇開少少 唔好成日因為一個朋友而諗咁多嘢 所以最尾想問吓大家有啲咩辦法可以令我睇開啲 唔好成日都因為一個朋友而呷醋