#NSS愛情
[Guest] 小妹發現自己中意咗嗰男仔，下稱 x
其實我一直都唔係好清楚點先為至中意
之前有拍過一次拖
但遇着一個好中意作故仔嘅控制狂賤精，仲要係藍嘅🤐
最後我發現俾佢玩之後就同佢分手
之後嘅我就唔係好想再拍拖
我知道唔係每個男仔都係咁，但就係唔想
入返正題先
x其實之前有追過我
嗰陣我啱啱同 ex分咗手幾個月
一開始我對x其實冇乜感覺
但漸漸地我開始對x有好感
但我以為嗰啲只係錯覺
因為我其實都係一個好多情嘅人
後嚟x追咗我幾嗰月之後就好似放棄咗
跟住雖然有陣時會聯絡
但就明顯feel到冇咗嗰種曖昧？嘅感覺
之後我先發現我成日都好在乎x、望住x
但都以為只不過係因為x追過我
係呢個時候就俾我知x喺網上識咗嗰女仔一齊咗
但又好快咁就分咗手
我嗰下其實有啲失望咗，因為x放棄咗我之後咁快就同其他女仔一齊
但我都係不了了之
直至幾個月前有另外一個男仔追我
我先發現其實我對x唔係錯覺
喺嗰個男仔追我嘅時候我完全冇感覺
仲一直諗起 x
但我而家真係唔知點做好
因為其實距離x追我嘅時候都有1年半度
我知我真係好遲鈍
而且x都唔一定仲中意我
但我發覺我真係好中意佢
仲要比想像中嘅中意好多好多😣
Sor for 1999