#NSS家庭
[Guest] 屋企人好煩
（歡迎對號入座，就算你知我係邊個都唔好同任何人講，感謝大家🙇🏻♀️你哋唔講我請你飲嘢）
唔知算唔算係長文，如果係長嘅就慎入
小妹係毒女，5號考完DSE，最近成日同朋友出街，有次就喺金鐘嗰到比人搭訕。（我會稱佢為MK仔，因為真係MK look ）
個MK仔問我「可唔可以做個朋友？」
我就答「唔好意思我有男朋友」
就係咁樣打發咗個MK仔
嗰日返到屋企我就同返父母講啦
無諗到今日個家庭聚會，我有個親戚唔知咩事，突然喺全部親戚面前講有人跟隨我，我心諗wt。咁我繼續聽落去。然後佢話有人喺acg secret 尋人搵我，懷疑有人喺信和一直留意我。我就知咩事☺️
其實你唔知頭唔知尾就唔好扮代表講嘢啦！喺acg 尋人係好常見(一係搵店主一係搵失蹤客仔一係尋人識新朋友）搵我嗰個係女仔，我已經同佢相認咗🙄同埋尋人件事都好耐之前，係上年年尾嘅事。
喺網上識朋友好閒且，但唔一定約出嚟，就算約出去，都係去人多嘅地方。
Sorry離咗題，講返我親戚先，佢講完之後，令我父母開始亂諗嘢🙄我講吓佢哋諗咩。
「我個女喺上年出去信和嗰陣肯定比個變態睇中咗，跟住就好留意我個女，直到最近佢終於主動出擊溝我個女」
我當時真係好想鬧我個親戚（我本來都好憎佢）
首先啦，你成日都比讀書壓力我，我父母都無你咁煩啦，再加上你又唔係我父母，可唔可以唔好理我呢？
次次你講嘅任何一句嘢都係我壓力來源。本來我上年差一步就轉到去VTC嗰度讀書，就因為你一句話，改變咗我父母嘅決定。跟住之後又話今年DSE免費考，一定要考得好好睇睇。考DSE前又同我講今年考唔到5個2，之後嗰年都要考DSE，考到得唯止。
其次，我真係好憎你，又唔係我父母，你只係我親戚，唔好理我啲嘢啦！你煩唔煩啲吖？如果你係我吖公吖婆，我都會聽你講嘢。你又唔係，咁你咁多事做咩且？
仲有，有啲嘢你唔知頭唔知尾就唔好扮代表亂講嘢。如果我唔係你屋企人，我已經聲你一巴。我一直都好比面你，好心你唔好咁多事啦🙄
呢啲係我私隱，我唔講就梗係有我嘅原因，我唔想我啲私隱成日比人知道哂。最基本係連我嗰對「過份保護我」嘅父母都唔知嘅嘢，你咁醒應該都估到佢哋唔知就唔好講啦🙄🙄🙄煩到癡線
多管閒事無好嘢發生，講少句嘢無人當你啞
Sorry for 1999