#NSS愛情
[guest] 自己幾矛盾下 所以想投稿攞下意見
宜加係三大讀緊year1(唔講邊間 唔想咁明顯)，未開學之前參加咗個Ocamp，個Ocamp多細group/兩人遊戲，之後係入面識咗個男仔。因為同佢成日一組玩，所以算有幾多機會溝通，果陣已經對佢有好感同興趣，想keep contact但唔好意思咁主動(不過有攞到IG)。
後尾畀我好好彩咁有機會完咗Ocamp之後同佢開始WhatsApp(佢hi我先)，因為佢本身已經係我鐘意果type，仲要我覺得同佢幾啱傾，所以感覺自己好似開始鐘意佢。我係同佢同一個major，簡唔中都一齊上堂，之後成日傾assignment，傾耐咗我覺得自己好似已經唔係淨係當佢係普通朋友。
我哋兩個都係A1,但我之前拍果段都算係puppy love,加上自己本身唔係隨便鐘意人，好少會真係對一個人有特別感覺，所以都幾肯定自己鐘意佢。佢宜家冇女，而我都唔肯定佢鐘意邊type, 始終唔想問佢咁多佢個ex嘅野。
我明白如果要一齊都要佢鐘意我先得，但我就係唔肯定佢有我有冇果種feel。因為Ocamp玩真心話同first impression果陣佢有透露過對我有興趣，之後Re U又主動幫我頂酒(ks我唔係唔飲得) ，組爸媽同有啲組仔女都知咩事仲成日拎我哋黎講。講返近期同佢WhatsApp, 基本上日日都係到傾，唔係淨係傾assignment 會傾埋其他野，我都覺得自己開始習慣日日同佢WhatsApp, 所以真係唔想輕易放手。(p.s.仲有其他內容令我feel到有啲野)
自問拍拖經驗少，我都好驚係自己自作多情，人哋可能一早frd zone咗我，但先唔講人哋係咪已經frd zone咗我先，我都擔心平時咁樣傾法搞搞下佢當埋我係兄弟。可能有人會話咩your face your fate, 唔靚女一定畀人frd zone果啲，但如果講樣我反而唔係最擔心(利申唔係話自己靚女)，只係Re U果陣我無意中從組爸媽果到知道咗佢幾好我個樣。
黎到呢度我自己都唔係好知佢對我有冇feel 定係我自己諗多咗，佢係有啲被動果種仔，所以我都預咗佢唔會點主動法。我自己都唔係主動嘅人，不嬲都唔會主動approach人，所以覺得如果大家都係咁落去，可能一直都唔知對方諗咩。我唔想咁直接去問佢呢方面嘅野，唔想誤會咗/失敗咗之後連朋友都冇得做，所以想問下大家有冇咩意見可以比我，或且可以點樣無咁直接哋test下佢/問下佢。