#NSS學校
[guest] 大家好 想分享下英國學校嘅奇怪校規
首先係上堂唔可以去廁所 除非你有廁所證（？
個廁所證仲要在家庭醫生寫理由先批
（都唔知有咩理由 可能忍唔到掛？成件事就離譜
香港雖然都好嚴 不過老師都畀去嘅
然後學校咁大 學生咁多 就一個廁所 男女各一
小息同lunch time 簡直係巔峰 條隊長到呢 仲要好迫
廁格就大概6-8 不過我通常都唔去 感覺好污糟
我去過一次 裡面係有廁紙 呢個係有驚喜嘅
香港好似都唔係間間有
好第二奇怪校規
轉堂時間只有3分鐘 過咗當你遲到
呢個好唔人道 我試過上pe 後面接著有數學
兩個分別隔好遠 學校又好鬼大 3分鐘有啲難度
雖然我係未遲過 不過你要知道
英國係冇班房 啲班跟科目/老師
所以堂堂都要去第二個課室
大家全校咁多人 同時轉堂
彷彿返咗香港 屯門開通個日 多人到呢
個個都係到推來推去 又係到尖叫講嘢
好彩對鞋係黑色 （tmi 全級大概170人學校有7級
仲有轉堂期間要攞住手冊同筆袋 羽絨褸
呢個有人有抱怨
我就覺得還可以 入課室之後就唔使慢慢搞
可以快啲開始上堂
好似暫時得頭兩個係我覺得唔太合理
其他我接受到嘅反正我又唔會犯
仲有個規矩係冇warning 有個叫s30 （留堂30分鐘）
即係你犯以上個啲 就會直接畀s30你 冇警告
呢個就唔太關我事 未試過:-D
同埋平時手機可以帶要閂做靜音 呢個比起我想像中唔同 我以為呢到冇咁嚴厲 手機隨便用 都係同我諗嘅唔同
大概就係咁多:-D