#NSS個人
[GUEST] 點樣真正原諒一個人？
話說阿媽由我細到大都小小嘢就發嬲發癲，動手，鬧人等等（基上精神、感情同身体上虐待全套做齊（ ; ; ））
不過兩年前去左個家庭治療師（背景：媽媽自己細個都咁比人對待，重要更嚴重，可能因為咁先會咁對我。），所以就改進左
有一次比佢發現我𠝹手，帶左我去睇醫生，然後可能發覺以前咁對我會係令到我咁樣嘅因素，佢同我講：其實我之前咁樣對你，好對唔住，希望無影響你。你何唔可以原諒我？
我等左我成世人，第一次聽佢真心講對唔住。
其實我自已好耐之前已經下定決心原諒咗佢，話晒佢都好愛我，為我做過好多嘢。不過我唔知點解心裏面都仲係嬲嬲地，畢竟佢咁樣都留咗好多後遺症（抑鬱，自信心幾乎0，腦中片段不停重播，發惡夢，聽到電話響都嚇到心臟跳出嚟等等等）
不過我夢寐以求等咗咁多年嘅對唔住都已經講咗，行為都改善咗，我真心都想原諒佢，我相信人都要比機會先可以改過，不過心裏面都唔知點解囉囉攣，有種嬲嬲地同不甘嘅心情？明明想原諒，不過硬係咁樣。
有冇人可以教我點真正完全咁原諒佢？
Sorry for 1999
睇到嚟呢度嘅人請你食糖糖٩(๑❛ᴗ❛๑)۶🍬🍬🍬
9/6/2021