#NSS學校
[港島直升中學] 多謝admin揀咗我🙏
究竟點樣先可以處理好人際關係呢？
講返背景先，咁我原本就有2個besties啦（小學已經好frd）咁簡稱A同B。咁今年我就唔係同佢兩個同班嘅，咁我就喺自己班識咗個新frd（簡稱C）。
首先講咗同AB嘅關係先。小學嘅時候係我同B frd先嘅，但機緣巧合之下我地三個就開始frd咗。去到中一我哋一路相處都好好。但問題嘅開端就係今年。咁因爲我唔係同佢哋同班，所以我自然就會喺新同學裏邊有一個較好朋友嘅人，而嗰個就係C。咁有一日返學嘅時候我就見到C，咁我就同佢一齊行，點知原來A同B喺我後面（我唔知嘅），之後同佢哋兩個放學嘅時候佢哋就開始講祕密。我問佢哋咩事佢哋都唔講。之後一路我都係同佢哋保持besties嘅關係，但我發現佢哋兩個好似開始疏遠我，有時佢哋會自己蹺住手走咗去，咁呢樣嘢固之然我係覺得唔舒服嘅，咁我都有嘗試去同佢哋兩個講，但係佢哋就好似左耳入右耳出咁樣，我唔知點樣可以有一個方法可以同佢哋相處得舒服。
然後就係我同C嘅關係。咁我哋係一齊坐埋所以熟咗嘅，咁一路我同佢嘅關係都係好正常，都係閨密嘅feel。我係一個好主動撩人哋吹水嘅人，一開始佢都會認真d覆我，唔知係咪因爲我真係太鍾意同人講嘢，所以佢開始hea覆我（但冇之後咁hea），但到後來發生咗一件事，我覺得係令我哋關係有d僵咗嘅事。事緣就係有日我同咗佢講我鍾意嘅人，點知原來我鍾意嗰個係佢地下情咗個幾月嘅男朋友。啱啱發生d咁嘅事關係點都會僵一兩日。但係之後我冇事搵佢吹水佢就開始好冷淡咁覆我（例如：「:/」「🌝」「hmm」）。
我覺得好無能爲力，其實我真係好想維繫每一段關係，我對待每一個朋友都係真心嘅，自認係一個好冇安全感嘅人，我好驚會突然所有朋友離開晒我。喺呢度我想請問大家有冇一啲建議係可以令每一段人際關係都令大家覺得舒服？或者有冇啲建議可以令我處理好呢啲朋輩之間嘅關係？