#NSS家庭
[Guest] 小妹有個好乞人憎嘅阿妹, 忍左佢好多年, 今次真係頂唔順佢, 所以想開po呻下。
是咁的, 因為學校PE堂規定要開cam, 仲要跟住佢做一啲拉筋動作(需要頗多空間, 例如平板支撐, 掌上壓等等)。我屋企唔大,得一個岩岩好夠大嘅空間俾我做, 而且屋企人都比較少經過嗰個位置, 只有行入廚房先會經過, 所以我就一早同屋企人(包括阿妹)講明左我某個時段會係嗰個位置度開cam上PE堂, 等佢地經過嘅時候留意下,尤其係我阿妹, 因為佢好介意入鏡頭。
問題黎啦, 喺我上緊PE堂嘅時候, 阿妹突然想入廚房拎野食, 佢見到我開住個cam做緊運動, 就開始鬧我阻住佢。我知佢唔想入鏡頭, 所以我同佢講, 俾多30秒我, 因為個老師話做多30秒就可以抖一抖。但係佢仲繼續鬧我喺屋企開cam上堂對佢做成不便, 仲話 “如果你要開cam, 好心就落街上啦, 唔好阻到我 ! ” (PS. 我阿妹間學校唔駛開cam上堂, 所以佢冇呢個煩惱)
講真, 我根本冇心阻住佢。佢想拎野食既話, 大可以直接行入廚房, 只不過佢介意入鏡頭。如果佢唔想入鏡頭嘅話, 其實等多三十秒就可以了, 所以我覺得都唔算對佢造成太大嘅不便。間屋唔夠大其實我都冇辦法, 我可以做嘅都做哂。如果叫我落街上PE堂嘅話, 我都唔覺得可行, 因為而家疫情咁嚴重, 邊夠膽落街呢, 仲要開住cam喺條街度做掌上壓?
我知道大家有機會focus左喺開cam上PE堂呢個問題上面, 我自己都覺得開cam上PE堂對某啲同學黎講係好唔方便。不過呢樣唔係我改變到嘅野:( 我只係想問下大家, 我下次可以點做 ? ;(