#NSS其他
[hk] 請問香港有冇得拎返貓嘅蛋蛋？可以點樣保存？🥸
我計劃緊幫屋企隻貓做絕育，因為會長命啲。
但係佢點長命都會死，我想佢遲啲死左之後，我可以還返蛋蛋比佢(姐係帶埋去火化/冰葬個啲)
我有上過網搵過資料，但多數係台灣個邊嘅經驗教學，香港好似好少人講同做呢樣野，咁就唯有出嚟問下。
ps.我唔係想佢死，不過我負責照顧佢成世，死後嘅事係走唔甩架啦～
回正題 咁如果想達成保存蛋蛋呢個目標，就想問下廣大嘅貓奴朋友們啦
首先，香港可唔可以同醫生講拎返個兩粒蛋？（我打算拎隻貓去愛拹做，如果拎都無後拎就吾洗諗之後點保存..🐵）
其次，應該點樣處理保存佢個兩粒蛋？
如果同醫生講🤔佢會唔會幫我處理埋呢？(btw我估吾會，不過問左先)
另外除左浸福馬林仲有冇其他方法？
因為聽講會好臭又有毒，屋企細都吾太方便處理佢。
之後我有印象我睇過我出世個時嘅臍帶乾，係keep左係細細地嘅盒到。
咁以前啲人係點keep臍帶架？我都想放隻貓嘅蛋係個盒到保存住先。
如有錯誤錯字之類so sorry
無論點都好啦，都呢度講定唔該曬各位先🙏🏻🙏🏻🙇🏻♀️🙇🏻♀️
圖Link: https://images.app.goo.gl/nUhR9ta3Gq1mWQss9