#NSS個人
[寶糧局🕊️中學] 我個妹好煩🤦🏻♀️
感謝Admin 幫我出po
Sorry for 1999 + 錯字多 + 都算係長文請慎入🙇🏻♀️🙇🏻♀️🙇🏻♀️
對唔住我平時無得發洩自己嘅煩惱，所以嚟呢度投稿發洩，請見諒🙇🏻♀️
小妹今年中六，有個就快升中一嘅細妹。咁其實我真係好憎佢，憎佢原因有幾個：
①佢好煩，把口唔識停
②佢成日亂講嘢
③佢有公主病
④佢從來無當我係家姐，似住母老虎撐腰就日日嘈
⑤佢好小氣+野蠻+小學雞
⑥日日扭曲事實，搞到咩嘢都係我錯
⑦成日覺得自己係受害者
⑧日日講中國作品有幾好有幾正，中意用簡體字，愛上大陸
⑨強逼人哋去聽你有幾中意中國，一唔聽/反對你嘅言論就看得人哋歧視中國
（仲有好多憎佢嘅原因，真係一言難盡）
其實你有幾愛國有幾中意po po ，我都當唔知就算，因為係屋企人，我願意尊重你嘅立場同喜好。
但你成日強迫我去聽你講嘢，我講咗我有幾唔想聽，叫你搵朋友傾，你仲係咁講，真係好煩。
大姐，如果你肯一分鐘唔講嘢我都已經好感動，真心可唔可以收聲？仲有你成日講啲令我難受嘅說話，喺我比父母鬧嘅時候再講多幾句好難聽嘅嘢，日日喺父母面前扮乖女，搞到我係衰女咁。
仲有雖然我係腐女，而且好毒，但我從來無教你去睇BL，更加唔會喺你面前睇BL廢事你學壞。
因為你成日同老豆老母+同學講BL，最後仲要麻煩到你個班主任打電話搵老母講你喺學校講r18嘅BL。結果令我比人鬧我教你睇。
另外我係唔係有男朋友都唔關你事，偷睇我向男同學表白嘅對話就周圍講，講到全世界都知。
我⋯⋯X交叉Y你吖🙄
你少朋友你邊緣唔係無原因，因為你好煩！好煩！好煩吖！！！！！！！仲要成日黑面，發脾氣，咁邊有人肯做你朋友且？
認真我都係邊緣人，因為我都好煩，但至少我都識克制自己，不斷反省，再用唔同嘅臉孔去討好所有人。所以而家我至少都有幾個朋友吖。
認真你咁嘅性格，有朋友都已經係奇蹟。我勸你改一改你啲壞習慣，你就當我發up風，咁唯有等你撞吓板先啦！
好啦發洩完，感謝大家睇到呢度，感謝Admin，辛苦你哋啦🙇🏻♀️