#NSS個人
[GUEST] 唔好意思 今次我係第一次post講嘢可能會一嚿嚿
係咁先交代返自己今年係升f3 咁leh前一兩個月就驗完眼 咁自己嘅度數係就上咗到600 仲有200散光 都發覺到自己呢排打機打得已經好多 都知道呢個就係打機打得多嘅後果 同埋自己都唔想再升上去 但係自己就搵唔到一個節制嘅方法 每次睇返自己每日平均對住個電話12個鐘頭就覺得我隻眼個度數會繼續升上去 再講今年要揀科 自己大概係40% 再加上係Band1嘅 就覺得尾50%啲人一定會突然間升上黎 唔可以再喺學業以外嘅嘢花咁多時間 但係打機嗰邊就識咗好多志同道合嘅朋友都係圈裏面小有名氣 係呢方面都唔想放棄 咁喺度就想請教下大家有啲乜嘢方法可以令到自己變得更加有自律同識得節制
要diu嘅話唔該細力啲 多謝各位睇到呢度