#NSS愛情
[GUEST] 我知自己性單戀又偏向理性
眼見身邊啲朋友一係愛情長跑中，一係就每月換一個對象。自己做埋佢哋愛情分析師，但就畢業仲維持在A0狀態。
所以好想知拍拖係咩感覺，但一直以來在中學，當有原本鐘意嘅同學向自己表白，或feel到佢對自己有好感就會好反感，甚至試過刻意避開唔同佢講嘢。
亦知咁樣好衰但真係忍唔住會反感去拒絕。
早兩年轉校，和原本嘅friend唔同班，所以在班房就識咗一個男同學。(我和自己班啲女仔唔夾，體育堂分組都係搵原本識嘅朋友。)
在朝早返到班房同得閒都會傾下偈咁，在學校外零交流。最初係我有好感，但近排我發覺到佢似乎都對我有好感，之後自己冇曬feel。
如果佢身邊啲位畀佢啲friend坐咗，我一來就會刻意讓開，隔離啲女仔會叫我坐埋去。而且有一次咁啱有活動，我留在班房做嘢，佢又會留底，之後跟我一齊去商場買嘢。
不過我哋住嘅地方隔好遠，我去買嘢係順路，但佢要去對面街先可以搭車走。
可能你哋覺得好浪漫，但我當時淨係想快啲同佢講再見，再自己買。
我一早知唔會有結果，我哋唔夠一年就畢業，而且我好大機會之後唔在香港生活，自知自己又懶得維持關係。
覺得對唔住佢，令佢浪費啲時間在我身上。