#NSS個人
[GUEST] [Admin post ig please thanks]
小弟今年中三，中一到二都無朋友，俾人杯（我知係因爲自己on9）
升上中三之後重新分班，我好驚會重蹈覆轍，又變到無朋友
因此我變得好小心翼翼，喺人面前逼自己笑，要表現出一副隨和，平易近人嘅樣
即使自己好想做，或者好想要一樣嘢，亦都會逼自己笑笑口講無所謂
即使人哋做咗啲令我唔開心、或者令我好火嘅事，亦都會逼自己笑住講唔緊要。
成日會好驚自己做咗啲令人唔開心，或者黑人憎嘅嘢，搞到自己好大壓力
雖然咁樣令到我無咁黑人憎，亦都同班同學相處得幾愉快
但我一直覺得好辛苦，要戴住副面具做人
啲負面情緒成日屈住屈住喺心入面，又唔敢同其他人講
我已經唔知道宜家嘅自己究竟仲係唔係我……
好驚會失去宜家嘅一切 好驚又會被討厭……
我啊爸啊媽淨係識得同我講成績，更加唔敢同朋友同學講
因爲我驚失去宜家嘅人際關係，好驚會又俾人討厭，又俾人杯。
雪上加霜嘅係，原本都關係不錯，但唔係好熟嘅一個男性朋友同我今年分咗喺同一班，
因爲新環境唔知頭唔知路所以變得同佢好friend，
佢都對我好好，會聽我同佢呻啲唔開心嘅嘢，
又會鼓勵我，叫我唔好俾太大壓力自己，令我同佢一起嘅時候好開心，
結果……我有一日發現自己鍾意咗佢……
唔知係因爲佢對我太好，定係因爲我中一中二都俾人杯葛，
啊爸啊媽又淨係理我啲成績，令到我内心好渴望其他人嘅愛……
但我知道我終究都只係佢嘅朋友，表白呢家嘢我連諗都唔敢諗，
我好驚失去佢，好驚失去一切，好驚佢同我絕交，
我份人又係衰，唔識把控好同佢嘅距離，搞到佢都話我同佢有啲太close……
我覺得自己好大壓力，好辛苦……
有無人可以幫吓我，或者俾啲advice我……
btw我喺好唔開心嘅時候會聽冬のはなし，
令自己暫時忘記煩惱，希望如果你都好唔開心嘅話，
呢首歌可以幫到你 多謝你哋睇到呢度
Sor for 1999
圖Link: https://ibb.co/c1JvHzX