#NSS社會
[Guest] 人的離去 是政府的無良 還是醫療的腐敗？
請容許小妹我在此訴說
是咁的 我嘅一位姑婆琴日就冇咗 我同一眾親戚只能夠進行呢個視像通話 希望都可以見到姑婆佢最後一面
由朝早七點開始 忽然有call 見到係親戚打嚟 我都有啲奇怪 但我仍然入咗去 然後我見到嘅係一格格嘅人 而其中一格係姑婆 佢咪埋隻眼好安靜咁 戴住氧氣罩 訓咗係醫院張病床度 郁都唔郁 冇晒生氣 。
我即刻反應到 佢…似乎已經唔係好掂 要好好珍惜現在呢一刻啦 我只好一邊上堂 一邊留意佢嘅情況
我嘅親戚嗰個都係度大叫 「你快啲擘大眼啦」「唔係話仲要同啲孫去旅行㗎咩」「快啲醒返啦你訓咗好耐啦」其中一個親戚仲直接去求神拜佛 去燒咗支長壽香 拎咗個利是返屋企保平安 （個親戚係姑婆個女）
呢個時候 姑婆有郁吓個頭 微微張開眼 望下我哋咁 又有擘大個口 好似想講嘢咁 但冇聲
就咁樣 我哋一直喺度想嗌醒佢 但佢都只係重複以上動作
直至到下晝開始 佢 慢慢開始冇晒反應 已經完全聽唔到 嚟個時候 有醫生話要做好心理準備 佢心跳同血壓開始降低 個個都喊晒口
尤其係佢個女「阿媽你唔好過去啊 過咗去就返唔到嚟㗎啦」「阿媽返番呢邊啊 我哋喺度啊」「你而家起身鬧人啦 宜家大把人任你鬧啦…」「阿媽你仲有封利是未拎㗎…」「啊媽…」
又過咗一陣 心跳機響咗。
大家都安靜咗 只係哭泣
姑婆就咁 完成咗佢啦一生 願佢安息啦…
然後 係今日我睇到有新聞係話 醫院疑似係屍體嘅東西 俾人裝咗係冰袋 求其咁樣放咗喺地下:)
真心講句 成件事真係好冇人性 家屬會點諗？
你咁樣係完全唔尊重佢哋同逝者 可謂係死咗都冇安寧 比著係我做鬼都唔放過你啦
（真係好多謝個護士 幫我哋開咗個call
仲有提醒大家 如果你哋都遇到咁嘅情況 佢只會有15分鐘俾你格住玻璃見 真係要做好心理準備）
感謝閱讀
Thx admin