#NSS學業 [GUEST] 小妹今年f2，學校參加左byod計畫，中一入學阿媽話唔想拎多部ipad返嚟，用屋企嗰部就好（但明明我係全津，可以免費攞ipad）於是咁，我宜家一直用緊ipad5。 初初都唔覺得有咩問題，都係咁用。但老師有時會send softcopy比我地做功課，而ipad5又唔用得apple pencil，搞到我要去買一支模擬手指嘅電容筆返嚟頂檔。但枝筆用嗰陣我隻手唔可以放喺ipad上，而且延遲同移位都好嚴重，做功課嘅時候好唔方便。平時想用ipad記下筆記都唔得，明明有ipad，但又好似冇，好後悔點解中一嗰陣唔說服我媽拎部ipad返嚟。 宜家我想為左枝apple pencil去換部ipad，但我部ipad性能上仲好好，唯一缺點就係內存得32GB，我宜家已經用左30GB。大家覺得我為pencil去換ipad值唔值，因為冇pencil真係好唔方便，但我覺得我阿爸阿媽又唔會比我換，想徵求大家意見。 Sor for 1999 麻煩Admin出post
#NSS學校 [Guest] 長文慎入 話說小妺依家讀緊中學，因為學校嘅師生文化不嬲都比較開放，好多學生同老師都係friend ，但呢個老師真係有啲奇怪。 最初真係同普通師生關係一樣，大家會傾吓計，成班同學&老師食飯咁。我同佢比較熟D，最初都真係有傾過心事咁。但慢慢地佢越嚟越關心我，有次機緣巧合佢攞到我IG，就開始會message下我，Send一啲我鍾意嘅ig po俾我，又會send一啲佢喺街見到嘅嘢，然後問我要唔要。 後來因為有啲事，我情緒狀態變差，生活習慣有啲唔穩定，佢開始每日都message我，問我食咗飯未、瞓唔瞓到覺之類⋯⋯有陣時遲覆咗佢一陣，佢都會chur我，咁禮貌上我都有覆，但係佢已經誇張過我個社工，連我社工都唔會每日搵我。 但係近排仲過分咗，佢會私底下約+請我食lunch ，知道我鍾意某隻嘢飲，成日都話自己順路買埋俾我，知道我鍾意睇嗰本書，佢會直接送俾我。我每次都會話自己唔好意思收咁多嘢，但係佢好似唔俾我拒絕咁，逼我一定要收。佢仲會有意無意讚我，讚我叻，讚我靚，話我係佢最鍾意嘅學生。 但查實小妹有自己鍾意嘅人，係同form嘅，所以唔單止friend zone，係師生ZONE咗呢個老師好多次。但呢個老師知道我鍾意邊個都冇理，繼續做呢啲行為，甚至乎見到嗰個男學生會黑面，然後串佢，仲會暗示叫我唔好同佢拍拖，搞到場面十級尷尬，超級唔舒服。 我個人認為師生戀係違反老師嘅職業操守，我唔明點解佢可以咁大膽做呢啲行為，其實已經講過幾次唔好咁做，但佢好似都冇理，成日搞到我好唔舒服，連我身邊嘅朋友都覺得好奇怪。 再加上我真係完全唔鍾意，一個大我20年嘅人，我有自己鍾意嘅人，我只係純粹當佢係我嘅老師，佢成日咁做真係搞到我好大壓力，好唔舒服。 但我而家真係唔知點做好，真係唔夠膽得罪老師，而家越嚟越大壓力，唔夠膽周圍同人講，驚冇人信，呢啲行為已經令到我好唔舒服，懇求各位集思廣益，幫下小妹，而家個情況真係好無奈。 Sor for 1999 Thx admin
#NSS個人 [Guest] 希望呢篇會po IG 是咁的，我有一個人生成就想完成。 在下自問就快中六，都已經冇乜時間做呢啲嘢，但係我點都係想喺我畢業之前plan好、開始，甚或是做完呢一樣嘢。 我想同人一齊畫一個漫畫故仔，紙本又或者電子都好。 唔係為攞獎、賺錢又或者成為職業漫畫家呢一啲明確嘅目標，有啲嘢就係想做就應該趁後生嘅時候去試下，至少我係咁樣認為嘅。 雖然我而家仲係學生，但係都有寫緊小說，算係業餘，參加過啲比賽，但係最勁都係止步十強。畫畫方面係識少少，但係未到專業級，分鏡、設定、劇情、點樣投稿都略有認識。自問唔係一個非常叻嘅人，但係我相信點都有人有諗過，又或者宜家已經實行緊嘅，去畫一篇漫畫出嚟㗎嘛？ 可能有啲人會覺得嘥時間，又或者笑我，但係我覺得有啲嘢想做就一定要趁早去做，如果唔係遲下再冇呢一份心力去做就盞一世遺憾。 所以，為咗達成呢一個理想，又或者我稱之為「人生成就」，我而家喺度公開招募同伴。自己就應該做唔成主筆，但係論劇情、鋪排我都算係有少少信心，因為我都有啲經驗，大概會擔任所謂漫畫「原作」嘅角色。咁我就比較擅長懸疑灰暗啲嘅style，即係所謂嘅邪道故啦，咁但係熱血都ok，戀愛青春就有少少棘手。 最後，人不輕狂枉少年，如果你都有呢一個夢想，就算得少少功底都好，comment留名，我會聯絡你，我哋一齊完成呢一個瘋狂嘅計劃。雖然我唔識你，你唔識我，一切都係未知之數，但係冇人知道結果會係點㗎嘛，如果唔開始，就會連結果都見唔到。 如果我真係咁好彩搵到同伴，而又啱傾嘅，咁我呢個plan大概喺8月左右會開始。 唔知大家有冇睇過一套經典嘅動漫呢？如果你有興趣嘅話，我願意做你嘅高木秋人，你又想唔想做真城最高呢？
#NSS其他 [GUEST] 有一天，我在瀏覽我的 Instagram 時，一個陌生的陌生人（一個男人）給我發信息打招呼，所以我回了個招呼（我仍然不知道發生了什麼）然後他說“你很漂亮”之類的話我當然說謝謝。那個時候，我已經覺得有些可疑了，但我還是繼續玩下去。之後非常震驚，他說“我愛你，我想愛你，讓我愛你。”我很震驚，但也知道發生了什麼，因為我已經經歷過很多次了。很遺憾我沒有截圖證明，但我當然拒絕了，我告訴”不要騷擾我”。我以為我刪除了 convo，然後他會忘記我的用戶名，但後來他一直對我的ig story做出反應。我嚇壞了。 但是在幾天沒有回复他的消息之後，我繼續leave on read。他給我寄了一些讓我想吐的東西。 他給我發了一些他的dick照片，然後有一段他親吻dick的視頻！ 你會問，你為什麼press on the video。我不想，但他把相片set到 see in chat ,but not see once or replay。 我很反感，OFC
#NSS學校 [GUEST] 話說我番學驚遲到 因為學校會扣分 所以遲到永遠都會爬學校後花園外牆再跳入去 太約3到4米高 左跳右跳 再捉實冷氣機位入學校一間房既屋頂 諗番起都覺得自己好似湯告魯斯咁 就咁年幾日日都冇遲到 同學都好驚奇 我仲勁中二病咁同其他遲到既同學講我溝佐果個女head prefect 所以我遲到佢都唔會記我名 點知有一次一跳入去既時候比一個師弟見到 果時勁驚佢報串 因為佢本身睇落去係認認真真讀書既人 咁我就同佢”你咪話比人知阿 唔係打獲你:-[ !” 點知佢叫話想認我做師父 叫我教佢點爬入學校:o):o) 咁多一個朋友好過多個敵人 叫我做『公屋俠』 因為我住公屋
#NSS愛情 [GUEST] 自從你成為了我的鄰座後，我都在在暗自期待每一個上學日.. 於煩囂的市中心，一座小山上坐立了我們的校舍。誰知道，一次的調位，是迎來了我讓我心跳加速的你。 和你說的話不多，也不知道你到底是在那個瞬間讓我心跳加速了。是你在堂上拉起衣袖準備於卷上疾寫時，也順便拉攏到我的注意力嗎？還是你和朋友說笑時，那個純真的笑顏，讓我為之心動了嗎？我也不清楚。 收到你於社交網絡上回覆我的信息，你不知道那刻，我有多麼快樂。十幾歲的人生中，從來沒有其他男生像你一樣，讓我那麼印象深刻。 漸漸地，你在我心裡佔了一席。 校舍旁的木棉花盛開了，溫柔的風吹散了白花，彷彿置身於雪景。遠處你走出校園的身影，在驚嘆這這春天氣息的人群中為之突出。而我的目光，早就隨著那輕柔的木棉花飄落在你的身上。我於朋友閒聊之餘，也不忘多看你一眼。 離公開考試的時間不多，想不到我腦海裏不斷重播的，不是書本上的知識，不是歷年的試卷重點，也不是老師們語重心長的每個教悔，卻是和你和我的互動，是你每個嘻笑的瞬間，是你的背影。 我想告訴你，想告訴你「我喜歡你」 願我終有一天，會有這個勇氣，會有這個機會，讓我告訴你 .. 文筆唔好請見諒 純粹抒發一下心情
#NSS愛情 [··········] Hello, 可能係尋人gua 第一次投稿 希望會 Post 喇！！！ 本人今年中三，女校 我係小五嗰陣遇到你第一次同你同班，嗰陣老師編咗我同你坐， 嗰陣對你都係隔離位 friend 嘅感情。 小六嗰陣老師又掉多次位， 分組嗰陣,通常會分四人一組 （我地係同一組 我曾經有同你傳過一啲緋聞（ 啲男仔話你鍾意我先） 但係傳咗冇幾耐就好似停咗 好似就小六下學期之後就開始傳同我坐隔離位嘅同學， 我隔離嗰個話鍾意我🙄 但嗰陣已經同佢分開咗坐好耐 我嗰陣時有啲怕醜唔敢將啲嘢講咗出嚟。 有人問過我同你啲嘢但係我都有啲……不敢講＋認 但係你都好似無乜行動或者表示可能因為仲係小學啦