#NSS其他
[GUEST] 小妹上年fd搭fd咁識左d朋友(下稱A,B)。咁一直都係正常相處，直到個日。有一次佢地搞party，咁我就同我另一個fd(下稱C)一齊去左玩。個日我地都有飲酒，我本身冇飲開所以就好快wing wing地，就冇繼續飲，淨係吹水。之後AB同C就都有繼續飲同有420。去到差唔多個陣因為都夜，咁我就係沙發訓著左。訓訓下聽到房有d聲，就去左睇下咩事。因為冇閂門就見到A同C喺度搞野，B就喺隔離望住。我唔知要點做好，因為都係第一次現場睇，之前自己連kiss都冇試過。我聽到C有話唔要，但係想去阻止A個陣又俾B拉住左。佢唔知係唔係專登，但係有摸左我屁股幾下。我好驚，又唔知C會點就淨係識縮埋去角落頭唔敢走。其實我個陣好想即刻拉埋C就走，但係又唔知應該點做。結果就咁樣過左成晚，到朝早個陣又聽到佢地搞野。一陣之後佢地出返廳，咁我都同C一齊走左。因為夜晚個陣有聽到C話唔要，同埋個陣係A叫埋C一齊420，我就問C駛唔駛報警。但係佢就話唔駛，叫我唔好搞咁多野。個次之後我冇再去見AB。
而家件事過左1年幾，但係我仲係會成日都好自責，覺得好似係因為我，C個日先會咁。覺得如果我當初冇識到AB就好，如果冇搵C一齊去玩就好，如果個陣大膽少少可能就可以阻止到A。我個次之後到而家每次見到同佢地差唔多樣或者差唔多聲音既人都會好驚，好想嘔，好似透唔到氣咁。但係唔想身邊既人知同擔心，次次都忍住，扮冇野。我要點樣先可以忘記呢件事。
圖Link: https://ibb.co/TYfR7nD