#NSS愛情
[GUEST] 今年係我識你嘅第四年，
可能你一直唔知，其實我對你嘅感覺，
已經唔單只係朋友嘅鍾意，
我知你唔鍾意女仔，
亦知道你心入面已經有一個男仔。
我啱啱發咗一個夢，
個夢好真實 ，感覺好幸福，
夢入面我哋做咗一啲情侶之間先會做嘅嘢，
（唔係啲咩鹹濕嘢🙉
我好想呢個夢不斷重複喺我個腦海入面，
但係一切都只係夢，我終究都係醒咗。
醒咗之後嗰種無力感好重，
我都唔知點解突然間好想喊，
呢個夢嘅出現再次提醒咗我，
我同你係冇可能。
我曾經望住你同一個男仔由拍拖到分手，
見住你哋遊戲入面一齊綁定情侶關係，
親密度越嚟越高，到最後解除關係，
嗰陣我發覺，可能朋友先係最好嘅關係。
性別令我容易接近你，
但同樣亦都因為係性別，
令我唔可以光明正大咁鍾意你。
作為女仔嘅我，
就算喺你身邊做幾多嘢都好，
你好似都唔會去鍾意我，
我對你嘅好，你同身邊嘅其他frd都知，
唯獨係冇人知道，其實我鍾意你。
冇人知都好嘅，因為比起想你知道，
我更加驚俾你知道咗之後你會遠離我。
其實我唔係冇諗過要放棄鍾意你，
但係每當你一同我見面或者講嘢，
我就知道我冇咁容易就放棄得到。
而家嘅我已經唔期望你會鍾意我，
亦都唔奢望我哋會喺埋一齊，
我淨係想好好咁陪喺你身邊，
好感謝個天比我遇到你。🥰