#NSS個人
[鵝週蘭學院] 老實講，我真係覺得自己好廢。
16歲中四，入到band 1但係成績普通，運動白痴，社交恐懼，冇乜專長。
曾經有上過好多興趣班，但係都冇特別嘅專長。
望過同校同學，有D人語言天才，英文又好又識日文；有人又畫畫又識攝影；有人未畢業就比其他公司做兼職數碼設計；甚至有人已經開YouTube做Vtuber……
我呢？除左小六無聊做過一年YouTuber，其他就真係乜野都冇。每日都喺房到睇動漫、睇書、打機，比人落後左成條街。
係～日文我都識，但係同你地差左好遠。
係～我都識畫畫，我由小一開始學畫畫，都識電繪，但係我仍然係一個骨架都捉唔到比例嘅廢人。
係～我都識用電腦，但係用電腦整Minecraft地圖、整動畫有用咩！
「當你擁有光鮮亮麗的生活，一個特別的嗜好就會為你加分；而若你的生活與常人無異，一個非主流的嗜好就足以讓其他人為了填補自己內心的空虛而去貶低你。」
呢句喺FB無意見到嘅話其實真係講得啱。
喺別人嘅眼中，我只係一個唔同人互動嘅宅宅。就算我點去努力，都追唔上你地依D「リア充」（現充）。
我已經有努力過，只係努力嘅地方唔同你地，唔係主流……沒錯，我係廢，你地講得啱。
啊……如果我再被貼上廢的標籤，我內心已經唔會再有波瀾了，我已經成為無心嘅人了……
我只係會笑住豎起大拇指，伸出左手，講：
「我就爛。」