#NSS個人
[Guest] 唔該Admin幫我share到ig吧 感謝🙏🏻
長文注意⚠️
我一直以黎都好憎我呀哥，憎到想佢死嗰種。
佢份人脾氣又暴躁，成日話佢2句就發嬲又離家出走話要自殺嗰啲，要我地氹佢返黎，搞到我哋後來都由佢話自殺，等佢自己冷靜完返屋企。同人返工又會因為同人嗌交而未收工就返黎。
佢份人又無咩自理能力，日日間房都係由我同我呀媽幫佢執，啲紙巾、棉花棒用完又剩係識放喺枱或地下，結果都係由我同呀媽幫佢執手尾。
最過分係佢唔識錢財管理，個個月都係月光族，只係識問我同屋企人拎錢，但一出糧又好大洗。
佢仲好爛賭，試過因為賭波而借連借好多間財仔，借咗成10皮嘢左右，等還唔起先俾我同屋企人發現。結果最後要我屋企人幫佢還咗佢，但其實我地都冇咩錢。
後來話只會小賭怡情，結果又借咗幾間財仔，加埋成7皮嘢。
好辛苦先話清哂數，話唔賭咁大，但佢又未還哂錢俾屋企人，個財仔仲時不時打黎要佢還錢，仲試過淋紅油，call爆我哋機。
前排又打黎要我哋還錢。我知係勒索啊，但叫呀哥出黎同財仔講清楚佢又嫌我地煩，唔肯理我哋，結果同呀媽嘈完黎，就趁呀媽出咗街就拎皮帶吊頸想自殺。
我出房門見到佢吊頸，嚇到問佢做咩嘢，佢就即刻放手吊頸。見到佢成身因為呼吸唔到而抽搐，我好驚，好辛苦先拉到佢落地，睇住佢好辛苦咁抖氣。
結果我喊住報警同打俾屋企人，等急救車送佢入院留醫，先叫無事。
我明明好想佢死，性格又差又無衛生常識，咁大個人都要我同屋企人照顧佢，唔識照顧自己。
但當我見到佢喺我面前自殺嗰陣，我真係好驚，好驚佢死喺我面前。
我覺得自己好犯賤，明明想佢死但又阻止佢死。
但如果重頭黎改，我覺得我都係會阻止佢死。
直到依家，有時我都會諗起佢喺我面前自殺嘅畫面。
可能我真係好犯賤，有無人可以話我知我可以點…?
感覺後面講到有少少亂，多謝大家睇到依度。