#NSS愛情
[GUEST] 我唔知道而家自己要繼續定係放棄佢
我同佢（簡稱V）F1嘅時候同班
由第一眼開始就鐘意V
之後我就展開熱烈嘅追求
追咗差唔多半年多到下學期考試嘅時候同V表白
V冇表明接受定拒絕
我就默認左拒絕
暑假嘅時候我都冇搵過V
到咗F2唔同班
到咗開學我以為自己放低咗
冇幾耐有一個同我好frd亦都同V好frd嘅男仔同我表白
同嗰個男仔曖昧咗兩個月
我以為自己已經早就放棄咗V
加上我啲frd叫我快啲接受嗰個男仔
我就懵懵懂懂咁同咗嗰個男仔一齊
喺嗰段時間發生左好多嘢
全部嘢都令我覺得我仲鐘意V
有一次我同V嘅兄弟傾計
傾傾吓傾到V
佢嗰兄弟就話V喺九月中嘅時候話過鐘意我
但係因為V以為我已經有男朋友
所以就冇去追我
我聽呢件事之後唔知點解好開心
我就確認咗我仲鐘意V
冇幾耐之後嗰個男仔同我提咗分手
我仲打聽到V佢鐘意隔離班嘅一個女仔
佢嘅兄弟仲話V成日讚嗰個女仔
佢嘅兄弟講V成日講我衰嘢
我知道佢鐘意緊嗰個女仔
所以我亦都冇去打擾佢
我唔知道而家自己要繼續定係放棄佢
但係我真係放棄唔到
每次見到佢都會好心動…