#NSS其他
[女校] 小女學校有個外星人同學，好得人驚😨！
我今年form 3, 有個同級嘅同學好奇怪。唔知佢係有精神病，定係真係外星人。
我無試過同佢同班，聽D friend 講，佢成績唔係好好，成日上堂唔專心，欠交功課，對老師不太尊重，唔理解點解佢會入到精英班，今年佢冇讀精英班，可能因為成績太差或者欠交功課太多，去咗次精英班。
佢有好多奇怪行為，例如成日話自己好靚女，雖然佢唔係醜樣，但係都唔算係靚女，唔係好明佢點解要話自己好靚，可能係普信女？仲有，我有follow佢嘅Instagram，佢成日都自稱「本小姐」，又成日講「地球人」，「神明」，講到好似佢唔係地球人，係外星人，post D 唔正常嘅野，有一次佢post咗個story，入面有佢手寫嘅字，係一大段無意思嘅文字，只係隨機有D字拼埋一齊，即係好似「伙知穌九爸小宋者」咁啦（我隨便打），超大段，起碼10幾行，佢話係經文
有一次，我係廁所裡撞到佢，佢同塊鏡講野，隱約聽到佢話「 enough with your …」咁樣，佢見到我之後就停咗，但都係一直企係塊鏡前面，我就好驚，入咗廁格再出返嚟佢已經走咗
我有同佢一班嘅friends話，佢小息會雙手托住個頭，細細聲同空氣講野，佢坐係度，根據佢個姿勢（微微向旁邊抬高頭），好似有個人企係佢隔離咁，超得人驚，仲會講講下開始笑
我都聽過人講佢係有精神病，不過如果咁嚴重嘅話，應該唔可以係正常學校讀書，所以佢會唔會真係外星人？我好驚，唔知點算好