#NSS社會
[GUEST] 以前睇到有關性別歧視嘅post，想鼓起勇氣講吓自己嘅想法。哩個post係我對 #NSS220407D 嘅回應以及對 #NSS220410G 嘅同意。
事先講明。我係一位 bi-ace demigirl，我有親身遭到哩啲問題。
第一，lgbtq+ 社會係真係會受到打擊同質問。唔好講到好似我地一致係到 over exaggerate 件事咁。我地係會俾人問究竟自己知唔知明唔明哩啲label係咩、係唔係覺得好得意好型先“扮”自己唔一樣 (好似已經確定係扮嘅)，有時亦會有人問點解 lgbtq+ 社會成日覺得自己遭到 non-lgbtq+ 人鬧。
想講清楚幾樣嘢。
坦白黎講，我地從來冇話過所有 cishet 嘅人都係一樣，當佢哋全部都係淨係識嘲笑、歧視 lgbtq+ 社會嘅人。我地只係有個潛意識，因為有一部分 cishet 人真係會特登去針對我地。我地點解唔可以有多少少保護自己嘅意識? 係唔係因為我地唔係“正常”?
其實，我地都只不過係受到某部分人太過火嘅歧視，加上以前嘅舊想法，所以先比其他人多一分戒備。我地始終都係人，我地都會受傷、都會驚㗎。
其次，我地都唔係扮嘢㗎。你有冇見過有人會因為得意覺得cool，明知有機會會被人歧視就走去“做” lgbtq+ 人？唔好意思，我地都有過對自己嘅疑問，有上網 search 過、有問過身邊人，所以當有人問到自己係咪扮嘢嘅時候，會有少少覺得佢地係到 invalidate 我地經過認真研究之後給予自己嘅 label。
最後一點。“唔尊重”等於“唔歧視”係一句我地唔會容忍嘅話。
“唔尊重”，即係話你唔覺得同等對待係我地應得嘅嘢。“唔歧視”，即係話你唔會因為我地性別取向而用唔同嘅眼光黎睇我地。
我只不過係講左兩個 phrase 嘅意思出黎。但係你唔覺得將兩個講成同一樣嘢，好荒謬？
如果太長氣嘥左各位嘅時間，唔好意思!。我純粹想講講我自己嘅想法，希望大家可以明白。