#NSS家庭
[GUEST] 想呻下，同睇下有冇人有解決方法🤦🏻♀️🙏🏻
話說宜家中學停課/之前online，所以我細佬每日都由朝到晚咁打機，打唔係問題但佢真係好嘈，成日突然大叫/勁大聲爆粗/拍牆，有時仲開speaker同佢啲friend一邊打一邊傾，佢講嘢又大聲，對面又大聲，我真係俾佢搞到就黎癲。
有時我同阿爸阿媽好聲好氣叫佢細聲啲，唔夠5分鐘佢又再嘈過，態度仲要勁差，話佢自己已經好細聲(但我已經係同佢隔咗2道門，仲帶埋耳機聽音樂，都仲會聽到佢啲聲)，講多兩句又話要自殺要走出街玩(你唔驚出街中，我都驚你傳染我)，搞到好似全家人蝦佢咁。
我好少打機所以可能唔理解打機時候嘅激動，但我仲有10日就要考dse，我已經好大壓力，透唔到氣，你可唔可以俾少少同理心，忍埋呢個月，俾我可以靜少少溫吓書，衝埋最後呢10日，唔係唔俾你打機，但細聲啲好唔好
我唔知你睇唔睇ig，亦唔知你會唔會睇完發現係講緊你，如果你認到，當我求下你，唔好成日都咁大聲好唔好
如果你同friend打機，你又知道佢有家姐阿哥要考dse ，聽到佢屋企人係咁叫佢細聲啲嘅時候，唔該你喺電話嗰面都細聲少少好唔好？
我唔知究竟我嘅要求係咪真係咁過份，但我真心就黎癲，唔知點算好，所需要打出黎講，起碼個心會舒服啲，Sor for 1999
Admin po ig plz🙏🏻