#NSS其他
[Guest] 真心呼籲打咗針嘅人唔好再有呢種態度
小妹今年F1, 13歲。因為身體比較弱同埋經期嘅反應大到痴線、加上覺得支針對防疫一啲用都冇，所以我到而家冇打過疫苗。
差唔多一年前，我身邊啲親戚朋友個個都超反對打疫苗，一嚟想同政府作對，二嚟知道支針真係冇撚用，我當時都有咁講過。但係隨住政府啲谷針政策越嚟越痴線，我身邊啲人陸陸續續就走咗去打針，到而家幾乎全部都已經打晒。
一開始我都覺得人哋打唔打針唔關我事，佢鍾意打就打，我冇需要理。但係我發現支針好似會扭曲一個人嘅諗法，我識嘅所有人打完針之後都會有以下特徵🫠
第一，佢哋好鍾意向一啲未打疫苗嘅人講「遲早都要打針㗎啦」「乜你有得唔打咩？」「你做乜嘢唔打啫，有咩事咁重要令到你連區區一支疫苗都唔肯打」「你唔打針你唔可以點點點㗎喎、你忍到咩」呢啲說話。其實我身為一個未打針嘅人想講，唔係個個都可以好似你哋咁話打就打㗎🙄 我已經冇奢求你哋企喺我嘅角度思考我點解唔打，我只係想得到少少嘅尊重同接受啫，咁都唔得？
第二，佢哋會深信支疫苗有助防疫，之前日日幾萬宗確診嗰陣都走晒出去玩，跟住仲要po IG story寫「好彩我有打針，而家可以安心同你哋 (佢啲friend) 出去玩😘」之類嘅caption, 我心諗上年你明明就喺度話支針好垃圾，而家就當支針係守護神咁😅😅 我唔係防疫撚，我覺得出去玩完全唔係問題（當然幾萬宗嘅話就唔係咁好啦），問題係你覺得嗰支疫苗真係可以幫你免疫。
其實仲有其他嘢，不過都係啲小事情我就唔講喇。而家好多打咗針嘅人都有呢種態度，得好少人會企喺未打針嘅人嘅角度諗。呢啲事我都忍咗好幾個月，真係忍唔住喇，我覺得好失望啊，俾正苦瘋狂地迫我打針已經夠難頂㗎啦，嗰啲所謂親戚所謂朋友仲要踩多我幾腳…… 不幸中嘅大幸就係我老豆冇迫我打針同埋冇俾呢啲說話我聽。
我知一定有勁多人唔同意我講嘅嘢，會覺得我好小學雞好care呢啲小事，但係對我嚟講真係好大壓力🫠
幾個鐘頭之前我學校send咗篇復課安排嘅電子通告俾我，我真係睇到好心噏，完全係喺度排擠我哋呢啲未打疫苗嘅學生，香港而家真係連超基本嘅人權都冇晒🥲🥲 我忍唔住喇，如果要我喺「比較健康嘅身體」同埋「唔會受人冷言冷語、唔會被杯葛、可以周圍去」之間選擇一個，我會揀後者🥲 我覺得自己好失敗，始終都係失守，book咗打第一針🥲 我好擔心自己身體會唔會出啲咩事，另外都唔想當日同我講「你有得唔打針咩」嗰啲人會合理化自己講嘅呢啲說話同埋串多我幾句「See? 都話你冇得唔打㗎啦！」🫠
我希望咁多位打咗針嘅香港人可以尊重返未打針嘅人，政府高官嗰堆我就冇期望㗎喇，但係至少自稱係黃絲嘅可以俾返少少尊重🙏🏻🫠 我都在此發誓自己打咗針之後唔會有呢種心態，不然我就考試科科肥佬🙋🏻♀️
Sorry for 1999🙇🏻♀️🙇🏻♀️🙇🏻♀️ 希望大家屌細力啲🙏🏻
唔該admin po IG, 辛苦晒🙏🏻🙏🏻