#NSS家庭
[GUEST] admins唔該po IG🤧🤧🤙🏿
日日夜夜對住阿爸阿媽真係好l辛苦
唯獨星期一至五因為要返學先冇咁乞人憎
今日又係難頂嘅星期六
佢又俾一大堆大家樂早餐我食 係一大堆
我講過好多次我唔鍾意朝頭早食咁多嘢 會好滯
最衰嘅係佢每個星期六都買大家樂 一係就大快活 持續咗2-3年 喂大佬 你唔厭姐 我厭呀嘛 又話唔想食可以唔食 最後又係度打打打話食唔食阿 唔食收你手機（當時語氣差啲
我自己小學成績算幾好 而家升咗中學即刻差晒 一個A都無 阿媽就問我點解冇A 仲要有3個D咁多？我當時都因為咁心情唔係幾好 佢仲要咁樣問 我咪語氣好差咁答返佢你估A咁易攞家？中學唔同小學家 佢就係度發我爛咋 OK你語氣唔好 我要忍 我語氣晦氣少少姐 就係度發晒爛咋咁l樣☺️
都而家 阿妹成績差 就係度鬧鬧鬧 話你好似你家姐咁咪好囉 數學攞獎乜乜乜咁 我話返俾佢哋聽 我而家中學數學攞D 又唔理我 成日將我哋三姊妹同人比較 喂你咁樣講唔單止係俾壓力我阿妹 仲俾埋我阿 其實阿妹佢都係想入間好啲嘅中學姐 有咩錯？阿媽都想㗎 但係阿爸就係度嘈 而家係你揀學校阿？而家係人哋揀你阿 以為仲有得補救 當初又唔讀好啲書#**¥¢¥£#_#& 我身為局外人都覺得好辛苦 好大壓力
OK我忍 之後又係度煲埋晒啲垃圾T*B劇 播到咁l大聲 我咪好聲好氣咁叫佢細聲啲 佢又唔理我 過咗一陣又話 其實你唔鍾意呢個屋企可以離開 你估我好想家？首先你無經過我嘅同意 就生我出嚟 明知要生存真係好辛苦 仲要格硬生多幾個陪你受苦 其實阿爸阿媽真係無你諗得咁好 第二 如果香港俾請童工 我會自己賺錢 自己生活 到時仲理得你哋兩個八公八婆？唔好傻啦 如果我有條件 一早離開咗 用下個腦諗野。😁👋🏿
我淨係想講 唔該俾返啲自由我 成日係度stalk我IG痴線家 又係度扮晒了解我 話哎阿咁樣落去好驚你會有抑鬱症阿！☹️ 講嘢之前唔該用下個腦 我有都係因為你阿 扮晒關心咁樣 好假阿
純粹發洩👋🏿🤧
唔該晒靚女靚仔嘅admin🙇🏿♀️🙏🏿（不要歧視黑人emoji!!!