Pls po ig
前兩日，我夜晚兩點幾嘅時候，我準備熄屋企廳嘅燈，然後番房，喺熄燈嘅時候，我發現平時放喺燈掣附近嗰個幾年前喺circle k換嘅蛋黃哥計時器唔見咗，當時諗住番房問我媽咪，點知佢已經訓著咗，咁我就諗可能係佢收埋咗，費事嘈醒佢，第二朝再問。第二日我就去左問佢，之後佢就答我佢琴日晏晝執嘢嘅時候揼咗（當時我喺房，所以唔知），佢話佢以為係以前嘅玩具，所以揼咗。雖然我知佢係無心，同埋問心嗰個計時器都唔係特別重要，我諗但係唔知點解我一聽到就好唔開心，忍唔住喊咗出嚟，然後到琴日，發現有時好似控制唔到自己嘅情緒，然後又集中唔到，成日喺度擔心呢樣、擔心個樣。上個禮拜學校已經通知咗我哋話農曆新年前要考試，之後我每日都有攞書出嚟溫，但係我完全集中唔到，試過抄又唔得讀又唔得，抄下抄下會漏咗一句，然後溫左3、4個鐘都溫唔好一頁，好似今日咁，上zoom都完全集中唔到，或者好辛苦先可以集中到1、2堂，之後就會好攰。之後我就上網做咗一d情緒病嘅測試，結果係可能患有經常焦慮症，但係我又唔知點樣開口同屋企人或者朋友，甚至老師講。雖然有機會係我諗多咗，但係如果到時真係有病嘅話咁點算。今年form3，要揀科，唔想因為咁而要留級或者考唔到試、揀唔到想讀嘅科，希望大家可以比d意見🙇🏻♀️
Sorry for 1999